ETUNDILO 4:1 - Embimbiliya - Bíblia Sagrada em Umbundu

¹ Oco Mose wa kumbulula hati, Puãi ndi ci ale okuti ka va nava, ka va yevi kondaka yange; momo va popia vati, Yehova ka tukulukila kokuove.

ETUNDILO 4:1 Iomraidhean Croise

I OLOSOMA 13:3

Keteke liaco muẽle, wa eca ondimbukiso, hati, Ondimbukiso Yehova a tukula yeyi: Tala, utala u toka pokati kuenje etiko li kasiko li peseka.

ETUNDILO 2:14

Eye wa linga hati, Wa ku kapa ndosoma yetu pamue onganji yetu helie? Wa soka oku njipala ndeci wa ipa u Egito? Oco Mose wa kuata usumba, wa sokolola hati, Eci puãi ca yevala ocili.

ETUNDILO 3:15

Suku wa popia vali la Mose hati, Sapuilavo va Isareli, huti, Yehova, Suku yolosekulu viene, haeye Suku ya Avirahama la Isake kuenda Yakoba, eye wa numa kokuene. Onduko yaco oyo yi linga onduko yange otembo ka yi pui, haiyo ovitumbulukila viosi vi njivalukila.

ETUNDILO 3:16

Kuenda, kongoluile pamosi ovakulu va Isareli, popia lavo huti, Yehova, Suku yolosekulu viene haeye Suku ya Avirahama la Isake kuenda Yakoba wa nukulukila hati, Ocili ndo nyuli, nda mõla evi vo lingaingi ve Egito,

ETUNDILO 3:18

Kuenje va yeva ondaka yove, love lovakulu va Isareli vu pitila ku Soma ye Egito, vu popia laye hoti, Yehova, Suku ya va Heveru, wa tu sanga. Oco cilo tua pinga kokuove, tu ece oco tu ende atulo atatu ha tu lumbila Yehova Suku yetu ovilumba vekalasoko.

ETUNDILO 4:10

Puãi Mose wa livondela la Yehova hati, A Ñala, ame singanjiko, omo ondaka yange ya lenda lelimi liange li lema.

ETUNDILO 4:30

Arone yu wa lombolola olondaka viosi Yehova a popia la Mose, wa linga olondimbukiso viaco kovaso omanu.

ETUNDILO 4:31

Omanu va tava. Leci va yeva ndomo a nyũla va Isareli, loku limbuka ohali yavo, oco va petama, va fendela.

ETUNDILO 6:12

Mose puãi wa kumbulula Yehova hati, Tala, va Isareli ka va njevele, oco hẽ, Fareo o njeva ndati ame sia pila vomẽla?

ETUNDILO 6:30

Puãi Mose wa kumbulula Yehova hati, A Ñala, ame sia pile vomẽla, oco hẽ Fareo o njeva ndati?

YEREMIYA 1:6

Oco nda linga siti, A Ñala Yehova, ame hameko, okupopia si ci tẽla momo ndimõla.

ESEKIELE 3:14

Oco espiritu lia njelula kuenje lia ngambata, yu nda enda lesumuo lutima wa feluka. Leka lia Yehova lia mbuila longusu.

OVILINGA 7:25

Eye wa soka hati, Vakuetu ci va lomboloka okuti Suku o va muisa epopelo leka liange, puãi ka ca va lombolokele.

LIOLONGANJI 6:17

Gideone wa popia laye hati, Cilo nda nda sanga ohenda kovaso ove, ndekisa ondimbukiso yokuti ove o kasi loku vangula lame.