ETUNDILO 32:1 - Embimbiliya - Bíblia Sagrada em Umbundu

¹ Eci omanu va limbuka okuti poku tunda komunda Mose wa cilua, oco omanu va liongoluila ku Arone, va popia laye vati, Votoka. Tu tungile olosuku vi tu pitaile kovaso yetu. Momo omunu waco Mose wa tu tundisa vofeka ye Egito, ka tua kũlĩhĩle eci cu kuete.

ETUNDILO 32:1 Iomraidhean Croise

EFETIKILO 19:14

Lote yu wa tunda, wa pañinya olondatembo viaye vialume, ava va si oku kuẽla omãla vaye vakãi, hati, Katuki, mulo tundimo, momo Yehova o nyõla imbo lilo. Puãi kolondatembo viaye ca soka ndesevu.

EFETIKILO 21:26

oco Avimeleke wa linga hati, U wa ci linga siu wi; lovevo kua ci sapuilile; ame sia ci yevele mbu toke etaili.

EFETIKILO 39:8

Yosefe puãi wo likala, wa popia lukãi wa cime caye hati, Tala, tunda a ñapa kupange cime cange ka kulĩhile vali eci ci kasi vonjo. Cosi caye wa ci kundika peka liange.

EFETIKILO 44:15

Yosefe wa popia lavo hati, Eci wa lingi oco nye? Ko ci hẽ okuti ulume ndame o tẽla oku tãha?

EFETIKILO 44:4

Eci ka va endele kupãla enene limbo, oco Yosefe wa popia la kalei konjo yaye hati, Katuka, landula alume vaco. Eci o va sanga, popia lavo huti, Nye wa fetuluinyili uwa lũvi?

OLOSAMO 106:19

Va lulikila ongombe vo Horeve. Va fendela ocifeka ca itilua.

ETUNDILO 13:21

Yehova wa va pitila kovaso. Kutanya wa endela vongunji yelende oku va songuila vonjila Kuteke wa endela vulienge wondalu oku va muĩsa ocinyi, okuti lutanya luteke va tẽla oku enda.

ETUNDILO 14:11

Va popia la Mose, vati, Omo ve Egito ka mu kuete ayambo nga oco wa tu upila ha tu fila vekalasoko? Nye wa tu lingila ndeti okuti wa tupa vofeka ye Egito?

ETUNDILO 16:3

Va popia lavo vati, Hĩse nda tua filile leka lia Yehova vofeka ye Egito, momo oko tua tumayala kolombia viombelela, tue kuta kuta ombolo. Wa tu neni mũlo vekalasoko oku ipaya owiñi ulo wosi lonjala.

ETUNDILO 20:23

Ko ka tungi olosuku viopalata oku vi kongela lame. Ko ka litungili ene muẽle oviteka viulu.

ETUNDILO 24:12

Yehova wa popia la Mose hati, Lamana omunda. Enju kokuange. Talamela. Hu iha itale viovawe vi kuete ovihandeleko locikundi nda sonẽhako oku va longisa.

ETUNDILO 24:18

Mose wa iñila vokati kelende, wa lamana komunda. Mose wa kala komunda yaco akui akuãla kovotanya lakui akuãla kovoteke.

ETUNDILO 32:11

Puãi Mose wa livondela la Yehova, Suku yaye, hati, A Yehova, onyeño yove yi wengukilila nye omanu vove wopa vofeka ye Egito lolohõlo via lua leka lia pama?

ETUNDILO 32:22

Arone wa kumbulula hati, Onyeño ya cime cange ka yi ka wenguke. Ove wa kũlĩha omanu vaco okuti va puiya enene.

ETUNDILO 32:23

Va vangula lame vati, Tu tungile olosuku vi tu songuila. Mose una wa tu upa vofeka ye Egito, eci co sanga ka tu ci.

ETUNDILO 32:7

Oco Yehova wa sapuila Mose, hati, Kuende. Loka, momo omanu vove wopa vofeka ye Egito va livĩhĩsa.

ETUNDILO 33:3

Lamani kofeka yi tumõha asenjele lowiki. Ame puãi si endi lene sanga ndu kunduili vonjila omo ene vumanu va huka.

ESEKIELE 20:8

Puãi va sina, ka va tavele oku njeva. Lomue wa imbapo ovombondo a sanjuisa ovaso aye, ndaño oku sia oviteka via Egito. Oco nda popia siti, Ndi va sukumuĩla onyeño yange. Ndi va tẽlĩsĩla oku tema kuange vokati kofeka ye Egito.

HOSEA 12:13

Yehova wopa Isareli ke Egito leka liuprofeto. Kuenje wa tatiwa leka liuprofeto.

MIKA 6:4

Momo ame ndo vupi vofeka ye Egito, ndo yovoli vonjo yupika, kuenje nda tuma Mose la Arone kuenda Miriama ha vo pitili kovaso.

ATENDELO 14:22

momo omanu vaco vosi, ndaño va mõla ulamba wange lolondimbukiso viange nda lingila ve Egito lo vekalasoko, haimo va nyika olonjanja evi ekuĩ, kuenje ka va tavele kondaka yange,

MATEO 24:43

Puãi limbuki okuti nda muẽleanjo wa kũlĩhile ocipo cokuiya kuocimunu, nda wa lavuluile, kuenje nda ka tavele okuti ocimunu ci tuiyila onjo yaye.

MATEO 24:48

Puãi nda ukuenje waco ka sungulukile, kuenje o likunda lutima waye, hati, Cime cange keya ndopo,

OVILINGA 17:29

Oco, omo tumãla va Suku, ka ca tu sesamelele oku soka tuti, Suku wa lisetahala lulu, pamue lopalata, pamue lewe, cokuti cimue ca luvikiyiwa luloño womunu pamue lovisimilo viomunu.

OVILINGA 19:26

Vu lete kuenda wa yevi okuti hake Efesoko lika, puãi pa kamba naito kuosi ka Asia, okuti Paulu u, wa konyuisa ovitima viomanu va lua lokukunda kuaye, kuenda vali o longisa hati, Olosuku via tungiwa lovaka omanu halosukuko.

OVILINGA 7:40

Va popia la Arone vati, Tu sowile olosuku ha vi tu songuila, momo Mose u wa tu upa ve Egito, eci cu kuete ka tu ci.

ESINUMUĨLO 31:8

Yehova eye o ku pitila kovaso, eye o kala love, ka ku tokoka, ndaño oku ku yanduluka. Ku ka kuate usumba, pamue oku konyoha.

ESINUMUĨLO 9:1

Yevelela, a Isareli! Etaili o yoka Yordão kuenje o yaka lomanu va ku velapo kunene lokongusu, o va tundisa vofeka yavo kuenje o piñalamo. Ovaimbo aco anene anene, ovimbaka viao violiokolioko toke kilu.

ESINUMUĨLO 9:9

Eci nda londa komunda oku tambula ovitale viovawe, okuti ovitale vi kuete ocisila cina Yehova a lisila lene, oco nda kala komunda akuĩ akuãla kovotanya lakuĩ akuãla kovoteke. Sia lile okulia ndaño oku nyua ovava.

YEHOSUA 7:13

Votoka, yelisa omanu, popia huti, Liyelisili eteke lia hẽla. Momo ca popia Yehova Suku ya Isareli, ceci, hati, A va Isareli, pokati kene pali cimue ca siñaliwa. Ko tela oku tamalala lovanyali vene, te nda vu tundisa pokati kene eci ca siñaliwa.

II PETULU 3:4

vati, Ohuminyo yetukuluko lia Ñala yi kasi pi? Momo, tunde eteke akulu vetu va pekela, ovina viosi vi kasi ño ndeci via kala tunde kefetikilo lioluali.