ETUNDILO 3:2 - Embimbiliya - Bíblia Sagrada em Umbundu

² Ungelo wa Yehova wo tukulukila vulienge wondalu vocisapa. Eye wa vanjako, kuenje wa mõla ocisapa ci taima londalu puãi ka ci pi.

ETUNDILO 3:2 Iomraidhean Croise

EFETIKILO 21:17

Suku yu wa yeva ondaka yomõla. Omunga ya Suku kilu ya vilikiya Hagare yiti, Nye ca ku sumuisa a Hagare? Ku ka yokoke ño. Suku wa yeva uteto womõla pana a kasi.

EFETIKILO 22:11

Omunga ya Yehova kilu yo vilikiya yiti, A Avirahama, a Avirahama. Eye hati, Amilo.

EFETIKILO 48:16

haeye ungelo wa njovola kevĩho liosi, eye a sumũluise amãlehe ava; londuko yange yi tumbuluiwe lavo, ndaño olonduko violosekulu viange, Avirahama la Isake. Va linga muẽle owiñi kilu lieve.

OLOSAMO 66:12

Wa pitisa vakuatuvalu kovitue vietu. Tua pita vondalu lo vovava. Haimo lumue wa tu nena oko kua yanja.

ETUNDILO 19:18

Omunda ya Sinai yosi ya tunda owisi omo Yehova wa lokilako londalu. Owisi waco wa londa vilu ndowisi wofolono. Omunda yosi ya luluma calua.

ETUNDILO 23:20

Tala, mitisa kovaso yene ungelo oku vu lava vonjila, loku vu tuala kocitumãlo nda wangiliyili.

ETUNDILO 24:17

Okumõlẽha kulamba wa Yehova kua soka ndondalu yelungulungu kilu liomunda kovaso ya va Isareli.

ETUNDILO 3:16

Kuenda, kongoluile pamosi ovakulu va Isareli, popia lavo huti, Yehova, Suku yolosekulu viene haeye Suku ya Avirahama la Isake kuenda Yakoba wa nukulukila hati, Ocili ndo nyuli, nda mõla evi vo lingaingi ve Egito,

ISAYA 43:2

Eci o pita vovava ñala kumue love; leci o pita volondui ku vombi. Eci o pita vondalu ku pi, leci o pita vulienge ku kakuiwa.

ISAYA 63:9

Olohali viavo viosi eye wa vi talelavo kumosi lavo. Hamungako pamue ungelo wa va popela, puãi eye muẽle wa kalako kuenje wa va popela. Wa va yovola locisola caye kuenda ohenda yaye, wa va yelula kuenje wa vambata oloneke viosi viosiãhũlu.

DANIELE 3:27

Oco apalanga lavakalei lolonguluvulu lakulu va Soma va liongolola, yu va tala alume vaco, va limbuka okuti ondalu ka ya kaile lomoko katimba avo, ndaño esinga liovitue viavo ka lia kakukile, ndaño ovikalasãu viavo ka via nyõlẽhẽle, ndaño oku lẽha ondalu ka va lẽhẽle.

SAKARIYA 13:7

Asipata! Somõhẽla ungombo wange una o kasi ocipepi lame. Oco ca popia Yehova Ukualohoka. Mbeta ungombo okuti olomeme vi sandoka. Ndaño otumeme tutito ndi tu vetavo.

MALAKIYA 3:1

Tala! Ndi tuma omunga yange okuti o mongiyila onjila, kuenje Yehova, u wu sanda sanda, iya ocipikipiki konembele yaye. Ocili, una wa sanjukili, haeye omunga yocisila, iya muẽle. Oco ca popia Yehova Ukualohoka.

MARKO 12:26

Puãi kondaka yepinduko liava va fa, ka wa tangeli velivulu lia Mose, kondaka yocisapa, ndeci Suku a popia laye hati, Ame ndi Suku ya Avirahama, haime ndi Suku ya Isake, haime ndi Suku ya Yakoba?

LUKA 20:37

Puãi kondaka yepinduko lia vakuavilangu, ndaño Mose wa lekisa okuti ondaka yaco yocili, eci, vesapulo liocisapa, a tukula Yehova okuti eye Suku ya Avirahama, haeye Suku ya Isake, haeye Suku ya Yakoba.

YOANO 1:14

Oco Ndaka wa linga omunu, kuenje wa tunga pokati ketu, yu we yuka ocali locili. Tua mola ulamba waye. Ulamba waco ulamba wa Mõla wongunga wa Isia.

VA ROMA 8:3

Momo, eci ka ca tẽliwile lovihandeleko, momo via honguisua letimba, oco Suku a linga. Wa tuma Omõlaye lesetahãlo lietimba liekandu. Wo tuma oku yaka lekandu loku pisa ekandu vetimba.

ESINUMUĨLO 33:16

a yi sumũluĩse loviali via velapo viongongo lokuima kuayo, a yi sumũluĩse lesumũlũho liu wa kala vocisapa. Asumũlũho alo a wile kutue wa Yosefe, a wile muẽle konumbutue yu wa velapo pokati ka vamanjaco vosi.

ESINUMUĨLO 4:20

Puãi Yehova wo nõli ene, kuenda wo wupi vofolono yutale okuti ve Egito, ho lingi omanu vaye muẽle ndeci vu kasi etaili.

II VA TESALONIKE 1:7

loku eca kokuene vu kasi loku talisua ohali, epuyuko kumue letu, eci Ñala Yesu a ka tukuluka tunde kilu lovangelo vaye va pama vondalu yulienge,

LIOLONGANJI 13:13

Ungelo wa Yehova wa popia la Manoa hati, Ukãi a lisuluvike kuevi viosi ndo tukuila.