ETUNDILO 3:11 - Embimbiliya - Bíblia Sagrada em Umbundu

¹¹ Mose puãi wa pula Suku hati, Ame hẽ elie okuti ngenda ku Fareo si kopa va Isareli ve Egito?

ETUNDILO 3:11 Iomraidhean Croise

II SAMUELE 7:18

Daviti wa iñila kuenje wa tumãla kovaso a Yehova, wa pula hati, A Yehova Suku, ame hẽ elie? Vakuepata liange hẽ velie okuti wa nena toke palo?

I OLOSOMA 3:7

Kaliye, a Yehova Suku yange, wa lingisa ukuenje wove osoma ha Piñala tate Daviti. Puãi ame ndimõla utito, olondunge vioku tunda tunda loku iñaila, si kuete.

I OLOSOMA 3:9

Oco, eca kukuenje wove utima wolondunge vioku tetuluila omanu vove, oco nẽle oku tepisa pokati keci ciwa leci cĩvi, momo helie o tẽla oku tetuluila epata eli liove, hailio linene?

I ASAPULO 29:14

Puãi ame hẽ, ame elie, lomanu vange ovo velie, okuti tu tela oku lumba ndoco lutima wosi? Momo ovina viosi vi tunda kokuove, kuenje tua ku iha ño eci cove ale.

ETUNDILO 6:12

Mose puãi wa kumbulula Yehova hati, Tala, va Isareli ka va njevele, oco hẽ, Fareo o njeva ndati ame sia pila vomẽla?

YEREMIYA 1:6

Oco nda linga siti, A Ñala Yehova, ame hameko, okupopia si ci tẽla momo ndimõla.

II VA KORINDO 2:16

Kuava va kasi loku nyelela tu linga elemba liokufa ta kokufa, kuava va kasi loku popeliwa tu linga elemba liomuenyo ta komuenyo. Ovina evi helie o vi tẽla?

II VA KORINDO 3:5

Ka ci kasi okuti etu tua likolela kuenje tu popia tuti, Ca tunda kokuetu. Okutẽla kuetu ku tunda ku Suku,

LIOLONGANJI 6:15

Gideone wa popia laye hati, A Ñala, ame hẽ, Isareli ndu popela la nye? Tala, ko manase, epata lietu lia sekuka, lame ndi sule vonjo ya tate.

I SAMUELE 18:18

Daviti yu wa kumbulula Saulu hati, Ame nga elie, pamue vakuepata liange velie ndeci epata lia tate vi Isareli, okuti ame ndinga ondatembo yosoma?