ETUNDILO 24:4 - Embimbiliya - Bíblia Sagrada em Umbundu

⁴ Mose yu wa sonẽha olondaka viosi via Yehova. Wa pasuka omẽle ociteketeke, wa tunga utala vepato liomunda. Wa tungavo olongunji ekui lavivali via lisoka lapata ekui lavivali a va Isareli.

ETUNDILO 24:4 Iomraidhean Croise

EFETIKILO 12:7

Yehova wa limõlehisa ku Avirama hati, Ame ngeca ofeka yilo kombuto yove. Oco Avirama wa tungapo utala apa Yehova a limõlehisa kokuaye.

EFETIKILO 28:18

Yakoba yu wa pasuka omẽle, wa nyañula ewe a kunamelele, wa li sembika ndongunji, kuenje wa itilako ulela.

EFETIKILO 28:22

kuenda vali ewe eli nda sembika ndongunji li linga onjo ya Suku. Cosi o nyiha hu tepelako onepa yekui.

EFETIKILO 31:45

Oco Yakoba wa nyañula ewe, wa li sembika ndongunji.

I OLOSOMA 11:30

Kuenje Ahiya wa nyañula uwalo wokaliye una a walele, yu wo tola ovitetele ekui la vivali.

I OLOSOMA 18:31

Eliya wa nyañula ovawa ekui la avali, ca soka lapata omãla va Yakoba, una wa yeva ondaka ya Yehova yiti, Onduko yove yi linga Isareli.

ESERA 6:17

Kotembo yoku tumbika onjo ya Suku va lumba ocita colonale violongombe, lolomanga violomeme ovita vivali, kuenda omãla volomeme ovita vikuãla. Va lumbavo ovitupi ekui lavivali. Ovitupi viaco via linga ocilumba cakandu apata osi a va Isareli, okuti epata ocitupi, epata ocitupi.

NEHEMIYA 10:1

Ava va ci kolisa lolonduko viavo vava: Nehemiya Nguluvulu, eye omõla a Hakaliya, Sedekiya,

ETUNDILO 17:14

Yehova wa popia la Mose hati, Ci sonẽha velivulu ha ci lingi onjivaluko. Ci sapula ku Yehosua okuti ame nyõla pe onjivaluko ya Amaleke vemi lilu.

ETUNDILO 17:15

Oco Mose wa tunga utala, wa tukula onduko yawo hati, Yehova eye epandela liange.

ETUNDILO 21:1

Ovisila evi ovio o va longisa.

ETUNDILO 24:7

Wa nyañula elivulu liovisila, kuenje wa vi tangela omanu. Ovo va linga vati, Viosi via popia Yehova tu vi linga, tu pokola.

ETUNDILO 28:21

Ovawe a soka lolonduko viomãla va Isareli ekui la vavali, a soka lolonduko viavo. Ndoku sokotola osinete, eli londuko yalio, eli londuko yalio; a kalako mekonda liapata ekui lavali.

ETUNDILO 34:27

Yehova wa popia la Mose hati, Sonẽha olondaka evi. Olondaka evi ovio nda lisila love la va Isareli.

ISAYA 19:19

Keteke liaco vokati kofeka ye Egito mu kala utala wa Yehova, kuenda kongave yayo ku kala ongunji ya Yehova.

OVISILA 24:5

Ovo o nyañula osema ya fina hu yoki layo ekui liakende kakende avali: olonepa vivali viekui viefa vi linga ekende limosi.

ATENDELO 17:2

Vangula la va Isareli. Tambula kokuavo olombueti, okuti epata ombueti, epata ombueti. Tambula olombueti ekuĩ la vivali, okuti kukulu wepata ombueti, kukulu wepata ombueti. Sonẽha olonduko, omunu omunu kombueti yaye.

LUKA 22:30

vu lila loku nyuila komesa yange vusoma wange, kuenje vu tumala kovialo oku tetuluila apata ekui la avali a Isareli.

VA GALATIA 2:9

leci va limbuka okuti ocali ca nyihiwa, oco Tiago la Kefa kuenda Yoano, vana va kũlĩhiwa ndolongunji viekongelo, ame la Barnaba va tu kuata leka liondio oku kolisa ongongela yetu. Va tava okuti etu tuenda ku vakualofeka lovo va enda ku vakuevamba.

ESINUMUĨLO 31:9

Mose wa sonẽha ovihandeleko vilo kuenje wa vi eca kovitunda, va Lewi, ava vambayata ocikasia covisila via Yehova. Wa vi ecavo kovakulu vosi va Isareli.

YEHOSUA 4:20

Ovawe ekui la avali, ana vopile vo Yordão, Yehosua wa ongeka ondunda vo Giligali.

YEHOSUA 4:5

Yehosua wa popia lavo hati, Piti kovaso yocikasa ca Yehova Suku yene, vokati ka Yordão. Omunu lomunu a tikule ewe, a li ambate pocitai, ndokuti epata ewe, epata ewe, ndapata a va Isareli.

ESITULUILO 21:14

Ocimbaka cimbo ca kala loviseveto ekui la vivali. Koviseveto viaco kua sonehiwa olonduko ekui la vivali viovapostolo ekui la vavali va Kameme.