ETUNDILO 23:2 - Embimbiliya - Bíblia Sagrada em Umbundu

² Ka ci tava oku kuama owiñi oku linga evĩho. Ka ci tava oku kuama ño owiñi loku imba uvangi wuhembi u pengisa ondaka yesunga.

ETUNDILO 23:2 Iomraidhean Croise

EFETIKILO 19:4

Eci ka va pekelele handi, oco ovalume vakuimbo ndokuti va Sodoma, lamãlehe, lakulu vendamba, omanu vosi vokolonjango viosi, va ñuala konjo.

EFETIKILO 6:12

Suku yu wa vanja voluali kuenje wa limbuka okuti mua vĩha momo oviendalomuenyo viosi via vĩhisa onjila yavio yokilu lieve.

EFETIKILO 7:1

Yehova wa popia la Noha hati, Iñila vocimbaluku, ove lonjo yove yosi, momo nda mõla okuti vocitumbulukila cilo ove wukuesunga kokuange.

I OLOSOMA 19:10

Eye hati, Nda kuatelele Yehova Suku yolohoka ombili yalua. Momo va Isareli va yanduluka ocisila cove, va lundula ovotala ove, kuenda va ipa ovaprofeto vove losipata. Ame, ame lika nda supapo, kuenje va sanda oku njupa omuenyo wange.

YOVI 31:34

omo nda kuatela omanu usumba walua, kuenje epembe liapata lia njokokisa okuti ndoha, kuenje sia tundilile posamua…

OLOSAMO 72:2

A tetuluile omanu vove locili, lolohukui viove lesunga.

OLOSAPO 1:15

Amõlange, ku ka endaende lavo. Yuwisa olomãi viove kalila avo.

OLOSAPO 18:5

Oku amẽla ondingaĩvi hakuwako; oku pengisa ukuesunga kekanga haico.

OLOSAPO 4:14

Ku ka wile vonjila yolondingaĩvi, ndaño oku endela vonjila ya vakuevĩho.

YEREMIYA 37:15

Olombuale via temela calua Yeremiya, vio veta, kuenje vio yika vonjo yusonehĩ Yonatana omo ya pongoluiwa okayike.

YEREMIYA 37:21

Oco Sedekiya wa handeleka, kuenje wa yika Yeremiya vocitali colomandekua covelombe. Vo wĩhaiha eteke keteke ombolo ya tunda koluwa lua vakuakuyoka ombolo, toke ombolo ya pua vimbo. Oco Yeremiya wa kala vocitali colomandekua covelombe.

YEREMIYA 38:9

A ñala yange, A Soma, omanu ava va linga uprofeto Yeremiya cĩvi calua, vo linga cĩvi muẽle omo vo wimba vocisimo kuenje o laika oku filamo lonjala, momo ka mũlĩ vali ombolo vimbo.

ESEKIELE 9:9

Oco wa popia lame hati, Ohole yepata lia Isareli la Yuda ya lua enene. Ofeka ye yuka osonde. Imbo lie yuka ungangala. Momo va popia vati, Yehova wa yanduluka ofeka, Yehova ka lete.

OVISILA 19:15

Ko ka tetuluili oku pengisa; ko ka sumbili ocipala cosuke, ku ka kemainye ocipala cekope; puãi tetuluila ukuẽle lesunga.

HAGAI 1:4

Otembo yeya nga yoku tumãla volonjo viene via posuisua, osimbu onjo yilo yi kasi ño ndoto, cĩvi, cĩvi?

MARKO 15:15

Kuenje Pilato, omo a yongola oku sanjuisa owiñi, wa va kutuluila Baraba. Eci a tipuisa Yesu oco wa weca oku valeliwa kekulusu.

LUKA 23:51

Eye ka tavele kongombo yavo, ndaño kovina va linga. Wa kala loku lavoka usoma wa Suku.

OVILINGA 24:27

Puãi, eci pa pita anyamo avali, oco Porkio Festo a piñala komangu ya Feliki. Feliki, omo a yongola oku sanjuisa va Yudea, wa sia Paulu vokayike.

OVILINGA 25:9

Puãi Festo, omo a yongola oku livondela la va Yudea, wa pula hati, O yongola oku lamanela ko Yerusalãi okuti oko ha ku tetuluila ovina evi?

VA ROMA 1:32

Ndaño va kũlĩha ndomo Suku a tetulula lesunga, okuti ava va lingainga ovina viaco va sesamela okufa, haimo, haku vi linga ko lika, puãi va pandulavo ava va vi linga.

ESINUMUĨLO 1:17

Vekanga ko ka amẽli omunu; utito u yevi ndu onene; ko ka yokokeli ocipala comunu; momo etetuluko liaco lia Suku. Ondaka yo tĩlĩli wiyi layo kokuange ndi yi yeve.

ESINUMUĨLO 16:19

Ka ci tava oku pengisa esunga ndaño oku amẽla omunu. Ka ci tava oku tambula ovitukiko, momo ovitukiko vi sitika ovaso a vakualondunge, kuenje vi fisa olondaka via vakuesunga.

ESINUMUĨLO 24:17

Ka ku pengise esunga lia sesamẽla ocingendeleyi pamue osiwe. Ka ci tava oku tambula onjeke yonanga yocimbumba,

YEHOSUA 24:15

Nda wa soki hoti, Oku vumba Yehova civi, oco noli etaili u vu yongola oku vumba, nda olosuku via vumbile olosekulu viene kesinya liolui, nda olosuku via va Amori vana wa tungi vofeka yavo. Puãi ame kumue lonjo yange, tu vumba Yehova.

I SAMUELE 15:24

Oco Saulu wa popia la Samuele hati, Nda linga akandu omo nda lueya ocihandeleko ca Yehova lolondaka viove, lomo nda kuatela omanu usumba loku tava kondaka yavo.

I SAMUELE 15:9

Puãi Saulu lomanu va supisapo Agage, va supisapovo evi via velapo pokati kolomeme, lolongombe lovinyama viosi via netisua kuenda otumeme kumosi la cosi ca silivila. Ka va tavele oku vi nyõla. Cosi ca pembuiwa la cosi ka ci silivila va ci nyõla pe.