ETUNDILO 21:1 - Embimbiliya - Bíblia Sagrada em Umbundu

¹ Ovisila evi ovio o va longisa.

ETUNDILO 21:1 Iomraidhean Croise

I OLOSOMA 6:12

Kaliye ove o kasi loku tunga onjo yilo! Nda wendela vovisila viange, loku linga ovihõlo viange loku lava ovihandeleko viange viosi, hu endaenda lavio, oco ame hu telisila ondaka yange, yina nda popele la so Daviti.

II ASAPULO 19:10

Olondaka viosi viu neneli vangandiene, vana va tunga vovaimbo avo, ci kale ondaka yumondi, ci kale yimue yocihandeleko, pamue yocikundi pamue yovisila pamue yovihõlo, ene va lunguli, oco ka va ka lueyele Yehova, sanga onyeño yaye yu wengukili, ene la vangandiene.

NEHEMIYA 10:29

va livandekakovo kuenda asongui vavo, va lisila lesingo okuti va endaenda lovihandeleko via Suku vina via eciwa ku Mose, ukuenje wa Suku, loku lava ovihandeleko lovisila viosi via Yehova, Ñala yetu, loku vi linga.

OLOSAMO 147:19

O sapuila Yakoba ondaka yaye. O lombolola ku Isareli ovisila viaye lovihõlo viaye.

ETUNDILO 19:7

Oco Mose weya, wa kovonga akulu vomanu, wa va lomboluila olondaka evi viosi Yehova o sapuila.

ESEKIELE 20:11

Nda va ĩha ovihandeleko viange. Nda va lekisa ovisila viange, ovisila vina omunu a mõla lavio omuenyo poku vi linga.

ESEKIELE 20:25

Kuenda vali nda va ĩha ovisila ka vi silivila loviholo ka vi muisa omuenyo.

OVISILA 18:26

Ene puãi vu lingainga ovisila viange lovihõlo viange, kuenje ko lingainga ovina evi viumbondo, ci kale onyitiwe yofeka, ci kale ocingendeleyi ca tunga pokati kene.

OVISILA 18:5

Oco vu tẽlisa ovisila viange lovihõlo viange, ame ndi Yehova. Omunu wosi o vi lingainga o kuata lavio omuenyo.

OVISILA 19:37

Oco wu limbuka ovisila viange viosi kuenda ovihõlo viange viosi ho vi lingaingi. Ame ndi Yehova.

OVISILA 20:22

Oco patekeli ovisila viange viosi lovihõlo viange viosi ho vi lingaingi, sanga ofeka oko ndu tuali oku tungamo yu sanji.

MALAKIYA 4:4

Ivaluki ocihandeleko cukuenje wange, Mose, cina ndo handelekele ko Horene, kumosi lovisila viaco lalungulo aco, okuti omãla vosi va Isareli va vi tata.

ATENDELO 35:24

oco omanu va tepisa pokati komondi lufetuluinyi wosonde ndovihandeleko evi.

ATENDELO 36:13

Evi ovio ovihandeleko lovihõlo Yehova a eca ku va Isareli lomẽla wa Mose vanyãla a Moavi kekulo lia Yordão oku imba ovaso ko Yeriko.

MATEO 28:20

Va longisi oku linga ovina viosi ndo kundiki. Kuenje ame ñasi lene kumue oloneke viosi toke kesulilo lioluali.

ESINUMUĨLO 15:12

Nda umue ukuẽle, okuti umue u Heveru ulume, pamue umue u Heveru ukãi, o landisiwa kokuove, eye o ku vumba anyamo epandu, kunyamo wepanduvali ove o wĩha eyovo.

ESINUMUĨLO 4:14

Kotembo yaco Yehova wa ñundika oku u longisi ovisila lovihõlo, okuti vu vi lingainga vofeka wendi oku ka yi kuata.

ESINUMUĨLO 4:45

yi lombololavo ovihandeleko lovisila lovihõlo Mose a kundika ku va Isareli eci va tunda ke Egito.

ESINUMUĨLO 4:5

Tala, ndeci Yehova Suku yange a sapuila haico ndo longisi ovisila lovihõlo okuti wu vi linga vofeka wendeli oku ka yi kuata.

ESINUMUĨLO 4:8

Kuenda ofeka yipi yinene yi kuete ovisila lovihõlo viesunga ndovihandeleko evi viosi nda eca kokuene etaili?

ESINUMUĨLO 5:1

Mose wongolola va Isareli vosi kuenje wa popia lavo hati, Ene a va Isareli, yeveleli ovisila kuenda ovihõlo ndu sapuili etaili. Vi yeveleli okuti vu vi patekela loku vi lingainga.

ESINUMUĨLO 5:31

Ove puãi talama kulo lame, hu sapuila ocikundi covisila lovihõlo o va longisa okuti va vi linga vofeka ndi va ĩha okuti yi linga yavo.

ESINUMUĨLO 6:1

Cilo ndu lomboluili ocikundi cene covisila lovihõlo Yehova Suku yene a sapuila oku u longisi okuti vu vi linga vofeka oko wendi oku ka yi kuata.

ESINUMUĨLO 6:20

Kotembo yokovaso eci omõlove a ku pula, hati, A tate, ovihandeleko lovisila lovihõlo evi Yehova Suku yetu a ku handeleka via lomboloka ndati?—

I VA TESALONIKE 4:1

Oku sulila, a vamanji, tu vu vetiya loku vu livondela vu Ñala Yesu okuti, ndeci wa yevi kokuetu ndomo ca sunguluka oku endaenda loku sanjuisa Suku, okuti, ndeci muẽle vu kasi loku linga, haico wamamiko oku lingainga.