ETUNDILO 16:3 - Embimbiliya - Bíblia Sagrada em Umbundu

³ Va popia lavo vati, Hĩse nda tua filile leka lia Yehova vofeka ye Egito, momo oko tua tumayala kolombia viombelela, tue kuta kuta ombolo. Wa tu neni mũlo vekalasoko oku ipaya owiñi ulo wosi lonjala.

ETUNDILO 16:3 Iomraidhean Croise

II SAMUELE 18:33

Kuenje Soma wa tokotelua lesumuo. Wa enda kohondo ya kala kilu liombundi kuenje wa lila ca lua. Wa enda loku liyula hati, Amõlange Avisalome! Amõlange we! Amolange Avisalome! Nda nda file ame ove hu siala! A Avisalome! Amolange we! Amõlange!

YOVI 3:1

Oco noke Yovi wa fetika oku vangula kuenje wa siñala eteke liaye lioku citiwa.

YOVI 3:10

omo ka wa sitikile imo lia mãi, ndaño oku mbindikiyila ovaso ohali.

YOVI 3:20

Ocinyi ci tuila nye ukuahali? Lomuenyo wa eciwila nye kuava va teka utima?

OLOSAMO 107:5

Va kala kala lonjala lenyona. Ovitima viavo via pua ongusu.

OLOSAMO 78:19

Va tomba Suku, vati, Anga Suku o tẽla oku yala omesa vekalasoko?

OLOSAMO 78:25

Omanu va lia lia okulia kuava va piãla. Wa va tumisa okulia, ve kuta.

ETUNDILO 14:11

Va popia la Mose, vati, Omo ve Egito ka mu kuete ayambo nga oco wa tu upila ha tu fila vekalasoko? Nye wa tu lingila ndeti okuti wa tupa vofeka ye Egito?

ETUNDILO 17:3

Puãi omanu va kala lenyona lialua, kuenje va lisiõsuĩla Mose vati, Nye wa tu upila ve egito oku tu ipa lenyona, etu lomãla vetu lovinyama vietu?

ETUNDILO 2:23

Eci pa pita oloneke via lua oco Soma ye Egito wa fa. Va Isareli va lisiõsuĩla upika wavo, va liyuila upika wavo kuenje okuliyula kuavo kua yevala ku Suku.

ETUNDILO 5:21

Va popia lavo vati, Yehova o vanje, a tepise, momo wa suvukisi elemba lietu kovaso a Fareo lokovaso akuenje vaye. Wa kapi peka liavo osipata yoku tu ipa.

YEREMIYA 2:6

Ka va popele hẽ vati, Yehova o kasi pi, u wa tu upa vofeka ye Egito, haeye wa tu songuila vekalasoko, vofeka yekango kuenda yakungu, vofeka ya kukuta haiyo yulembo wokufa, omo lomue o pitamo, lomue wa tungamo?

YEREMIYA 42:14

hoti, Ndati, tu enda vofeka ye Egito, omo ka tu mõli ovita, ka tu yevi ondaka yolumbeta, ndaño oku kuata onjala yokulia. Omo muẽle tu ka tunga.—

YEREMIYA 44:17

Puãi tu linga cosi tua likuminya oku linga. Tu timĩhĩla inakulu yokilu insensu loku u pesila ovilumba viokunyua, ndeci etu lolosekulu vietu kuenda olosoma vietu lolombuale vietu tua lingaingale vovaimbo a Yuda kuenda valuwa a Yerusalãi. Momo eci tua lingainga ndoco tua kala lokulia kua lua, kuenje tua kala muẽle ciwa, ka tua muĩle ũvi.

ASIÕSUILO 4:9

Ava va ipaiwa losipata hise; ava va fa lonjala cĩvi vali, momo ovo vamamako oku kopa; va vetiwa lekambo liokulia.

ATENDELO 11:15

Nda o linga ndoco lame kuenje nda o tava oku ndinga ohenda njipaye lombili okuti si mõli ohali yange.

ATENDELO 11:20

puãi vu lia osãi yosi, toke yi tundila vanyulu, kuenje yu kumi. Ci lingiwila omo wa pañuli Yehova o kasi pokati kene, kuenje wo puli loku lila, hoti, Tua tundila nye ve Egito?

ATENDELO 14:2

Va Isareli vosi va lisiõsuĩla Mose la Arone. Owiñi wavo wosi wa popia lavo uti, Avoyo, hĩse nda tua filile vofeka ye Egito! Hise nda tua filile vekalasoko lilo!

ATENDELO 14:3

Yehova o tu nenela nye vofeka yilo okuti tu fa losipata? Akãi vetu lomãla vetu va ka kuatiwa. Ka ca tu velelepo hẽ oku tiukila ke Egito?

ATENDELO 16:13

Kokuove hẽ oku tupa vofeka yi tumõha asenjele lowiki loku tu ipaĩla vekalasoko ci sule, kuenje o tongola oku tu viala ndosoma?

ATENDELO 16:41

Puãi hẽla liaco va Isareli vosi va lisiõsuĩla Mose la Arone vati, Ene wa ipali omanu va Yehova.

ATENDELO 21:5

Omanu va lisiõsuĩla Suku, va lisiõsuĩlavo Mose vati, Nye wa tu upila ve Egito okuti tu fila vekalasoko? Momo ka muli okulia ndaño ovava. Tu nyãle okulia kuaco kuvi.

OVILINGA 26:29

Paulu hati, Ci kale ndopo, ci kale noke, ndi livela kovaso a Suku okuti, haveko lika puãi vosi va njeva etaili, nda va kala ndame,— ovikolo evi ovio lika havioko.

I VA KORINDO 4:8

Wekuti ale! Wa lingi ale olohuasi! Wa viali ale ndolosoma eci etu ka tua kailepo! Ñasi loku livela nda wa viali ocili okuti etu nda tua vialelavo kumuamue lene!

II VA KORINDO 11:1

Ndingi ohenda oku yevelela kokoveke kange! Avoyo, ndingi ohenda oku njevelela.

ESINUMUĨLO 28:67

Omo usumba wovutima wove, leci ci mõla mõla ovaso ove, vi ku yokokisa, oco omẽle o linga huti, Nda ca kaili oñolosi! loñolosi o linga huti, Nda ca kaile omẽle!—

ESINUMUĨLO 8:3

Wa ku ketisa, wa tava okuti o yeva onjala, wa ku tekula la mana, ocina cimue ove kua kulĩhĩle, ndaño olosekulu viove. Wa ci lingila oco ove o limbuke okuti hakomboloko lika omunu a muĩla omuenyo, puãi cosi ci tunda tunda vomẽla wa Yehova oco omunu a mola laco omuenyo.

YEHOSUA 7:7

Yehosua wa popia hati, Avoyo we, a Yehova Suku! Nye wa yokisila omanu ava Yordão, hu tu eci peka lia va Amori loku tu takisa? Nda tua sanjukilile ño oku tumala sinya olio lia Yordão, nda hĩse.