ETUNDILO 13:9 - Embimbiliya - Bíblia Sagrada em Umbundu

⁹ Cu lingili ndondimbukiso yopeka pamue ndonjivaluko yokocipala, okuti ocihandeleko ca Yehova ci kala vovimẽla viene. Omo Yehova wo wupili ve Egito leka lia pama.

ETUNDILO 13:9 Iomraidhean Croise

NEHEMIYA 1:10

Ava, ovo akuenje vove, haivo omanu vove vana wa yovola lunene wove wa lua leka liove lia pama.

OLOSAMO 136:11

Wa tundisa Isareli pokati kavo, momo ohenda yaye ka yi pui,

OLOSAMO 136:12

leka lia pama, lokuokuo kuoloha, momo ohenda yaye ka yi pui.

OLOSAMO 89:13

O kasi lokuokuo kua pama. Eka liove lia kola, eka liove liondio lia kemãla.

ETUNDILO 12:14

Eteke liaco liu lingili eteke lionjivaluko, vu li ivaloka lofesta ya Yehova. Ovitumbulukila viene viosi vi li ivaloke ndociholo ka ci pui.

ETUNDILO 12:41

Kefulilo liovita vikuãla kanyamo kanyamo akui atatu okuti, eteke liaco muẽle hailio, oco olohoka viosi via Yehova via tunda vofeka ye Egito.

ETUNDILO 13:14

Noke kovaso, eci omõla a pula hati, Eci ca lomboloka ndati? ove unjali u lomboluila huti, Yehova wa tupa ve Egito, vonjo yupika, leka lia pama.

ETUNDILO 13:16

Ci linga ndondimbukiso yopeka liove pamue ndonjivaluko yokocipala cove. Momo Yehova wa tu upa ve Egito leka lia pama.

ETUNDILO 13:3

Mose yu wa popia lomanu vaco hati, Ivaloki eteke lietaili omo olio eteke wa tundi vofeka ye Egito, vonjo yupika, momo Yehova wo wupimo longusu yeka liaye. Ka ci tava oku lia ombolo yi kuete etumbisa.

ETUNDILO 3:20

Oco ame ngolõla eka liange, mbetisa Egito ovikomo viange viosi ndingamo, oco noke o weci.

ETUNDILO 7:4

haimo Fareo ko yevi. Oco kotembo yaco ame muẽle ñapa ke Egito eka liange. Njupa vofeka ye Egito olohoka viange okuti omanu vange va Isareli, ndi vopa muẽle lolonimbu via tua.

OLOSAPO 1:9

Momo ovio via linga ocifuto ca posoka kutue wove, kuenda olomota posingo yove.

OLOSAPO 3:21

Amõlange, tata olondunge lutate, ka vi ka ku pusumuhe,

OLOSAPO 7:23

toke usongo wa yasa komuma, pamue ndonjila yi yayuila kowiki, kuenje ka yi ci cokuti wa petuiwila omuenyo waye.

OCISUNGO CA SALOMONE 8:6

Ñape kutima wove ndesitikilo, ndondimbukiso kokuoko kuove; momo ongusu yocisola ya soka leyi yokufa; ukuelume wimõla ohenda; wa soka ndonjembo. Olosase viawo ndevi viondalu; ndovilienge vi liakoka.

ISAYA 27:1

Keteke liaco Yehova o yambula Canjangombe, onyoha yolupesi yi miloha, u yambula losipata yaye ya kola, yinene, haiyo ya pama, kuenje ipa onyoha yinene yi kasi vokalunga.

ISAYA 40:10

Tali, Yehova Suku iya lunene. Okuokuo kuaye ku u vialelako. Tali, onima yaye iya layo, lofeto yaye yeyi kovaso aye.

ISAYA 44:5

Umue o linga hati, Ame ndukua Yehova, ukuavo o linga hati, Ame nda liluka Yakoba, ukuavo o sonẽha peka liaye hati, Ndukua Yehova kuenje o litukula londuko ya Isareli.

ISAYA 49:16

Ociluvialuvia cove nda ci luvikiya povaka ange, ovimbaka viove vi kasi ño hũ kovaso ange.

ISAYA 51:9

Akuokuo kua Yehova, pasuka, pasuka, mãlẽha ongusu. Pasuka ndeci wa linga koloneke viale, kovitumbulukila viosiãhũlu. Haveko hẽ wa sasa Rahava? Haveko hẽ wa toma Canjangombe?

ISAYA 59:21

Yehova wa linga hati, Eci oco ocisila cange kokuavo: Espiritu liange li kasi kokuove kuenje olondaka viange nda vi kapa vomela wove. Ka vi tundi vomela wove, pamue vomẽla womãla vove, pamue vomẽla wombuto yomãla vove tunde cilo toke oloneke ka vi pui. Oco ca popia Yehova.

YEREMIYA 22:24

Yehova wa linga hati, Ndeci ñasi lomuenyo, Koniya, omõla a Yehoyakimi, Soma ya Yuda, ndaño wa kala onela keka liange liondio, haimo nda nda ku fuomõla

DANIELE 9:15

Kaliye a Yehova Suku yetu, ove wopa omanu vove kofeka y'Egito leka lia kola kuenje wa limuĩsa onduko ya kemãla, ndomo ci mõlẽha etali; ocili tua linga ekandu, tuakuevĩho.

YOELI 2:11

Yehova o vilikiya lolukandi kolohoka viaye, momo olohoka viaye via lua cimue. Lu o linga ocipango caye wa pama ca lua. Momo eteke lia Yehova linene, kuenda li linga usumba. Helie o li tẽla?

ATENDELO 15:39

Oco poku vanja vanja kolonjenje viene wivaluki ovihandeleko viosi via Yehova okuti vu vi linga, kuenje ka vu kuama vali ocipululu covaso ene pamue olonjongole viovitima viene vina viu kokeli oku linga akandu.

MATEO 23:5

Cosi va linga va ci lingila oku taliwa lomanu. Va vokinyako kolosilo viavo kuenje va luisa olonjenje violonanga viavo.

VA ROMA 10:8

Puãi esunga li popia nye? Li popia liti, Ondaka yi kasi ocipepi love, vomẽla wove muẽle, lo vutima wove. Ondaka yaco oyo ondaka yekolelo tu kasi loku kunda.

ESINUMUĨLO 30:14

Momo ondaka yi kasi ocipepi love muẽle. Yi kasi vomẽla wove kuenda vutima wove, okuti o tẽle oku yi linga.

ESINUMUĨLO 5:15

Ivalukavo ndomo wa kaile upika vofeka ye Egito, kuenje Yehova Suku yove wa ku upamo leka lia pama lokuokuo kuolõha; oco Yehova Suku yove a ku handelekela oku lava eteke liesambata.

ESINUMUĨLO 6:21

ove o kumbulula omõlove, huti, Tua kaile apika va Fareo ve Egito kuenje Yehova wa tu upa ve Egito leka lia pama.

ESINUMUĨLO 6:6

Kuenje olondaka evi ñasi loku ku sapuila etaili vi kale vutima wove;

ESINUMUĨLO 6:8

O vi kutila peka liove ndondimbukiso, kuenje vi linga ndulame kocipala cove.

ESITULUILO 18:8

oco okuyambuiwa kualio kuiya eteke liongongo, okuti okufa, loku tatela, kuenda onjala, kuenje li pia elisi londalu, momo Yehova Suku, u o li tetuluila, wa pama.

LIOLONGANJI 2:12

Va yanduluka Yehova Suku yolosekulu viavo, una wa vopile vofeka yEgito. Va kuama olosuku viñi viopokati kolosuku violofeka via va ñuala, kuenda va vi fendela. Oco va wengula onyeño ya Yehova.