ETUNDILO 1:21 - Embimbiliya - Bíblia Sagrada em Umbundu

²¹ Kuenje omo vakuakuovolola va sumbila Suku oco Suku wa va muĩsa apata.

ETUNDILO 1:21 Iomraidhean Croise

I OLOSOMA 11:38

Kuenda o yevelela kueci cosi hu handeleka, nda wendela volonjila viange loku linga eci ca sunguluka kovaso ange loku lava ovisila viange lovihandeleko viange, ndeci ca lingaile ukuenje wange Daviti, oco ame ñala love, hu tungila epata lia kola, ndeci nda tungilile Daviti, kuenje ndu ku iha Isareli.

I OLOSOMA 2:24

Kaliye, la Yehova o kasi lomuenyo, haeye wa ñolisa loku numbika kocalo ca tate Daviti, kuenje wa nyiha epata ndomo a likuminya, ocili etaili Adoniya o fa.

OLOSAMO 112:1

Sivayi Yehova. Omunu o sumbila Yehova haeye o yolela ca lua ovihandeleko viaye, eye wa sumũlũha.

OLOSAMO 127:1

Nda Yehova ka tungisa onjo olomesele vi likavisa ño. Nda Yehova ka silamẽla imbo ukuakulendela o likavisa ño loku lava.

OLOSAMO 127:3

Ocili, omãla ovo ocipiñalo ca eciwa la Yehova. Epako limo olio onima.

OLOSAMO 37:3

Kolela Yehova, linga esunga, oco o tumala hũ vofeka, kuenje o koka.

ETUNDILO 1:17

Puãi vakuakuovolola vaco va sumbila Suku, ka va lingile ndomo mua va handeleka osoma ye Egito, va popela omuenyo womãla vaco valume.

OLOSAPO 24:3

Onjo yi tungiwa lolondunge, yi kolisiwa luloño.

UKUNDI 8:12

Ndaño ondingekandu yi lueya ocita colonjanja kuenje omuenyo waye wamamako ño, haimo ndi ci okuti ava va sumba Suku va kala ciwa omo va kasi kovaso aye lesumbilo.

YEREMIYA 35:2

Kuende kepata lia va Rekava, ka vangule lavo, kuenje va nena vonjo ya Yehova, vohondo yimue vonjo. Seteka oku va nyuisa ovinyu.

I SAMUELE 2:35

Kuenje ndi likatuila ame muẽle ocitunda cocili, eye o lingainga ndovisimilo viange lolonjongole viange. Ndu muisa epata ka li pui. Kuenje o kala ño hũ kovaso ombuavekua yange.

I SAMUELE 25:28

Ecela omõlove osiata eyi, momo Yehova o tumãlisa ciwa epata lia cime cange omo cime cange o kasi loku yaka ovita via Yehova. Eviho ka li sangiwa kokuove otembo yosi o kasi lomuenyo.