ETUNDILO 1:12 - Embimbiliya - Bíblia Sagrada em Umbundu

¹² Puãi ndaño va va yambula ca lua haimo va licita vali enene, kuenje va sambukila vali kolonẽle. Oco va Egito va kuatela va Isareli ohele,

ETUNDILO 1:12 Iomraidhean Croise

EFETIKILO 46:3

Oco wa linga hati, Ame Suku, ndi Suku ya so. Ku ka yokokele oku lokila ke Egito, momo oko hu lingisila ofeka yinene.

NEHEMIYA 9:23

Kuenje wa luisa omãla vavo ndolombungululu viokilu yu wa va nena kofeka yina wa likuminyile lolosekulu viavo okuti va ka iñilamo oku yi kuata.

YOVI 5:2

Ocinyuañi ci nyõla u wa kamba olondunge, lu o tamalala la Suku o fa.

OLOSAMO 105:24

Yehova wa luisa cimue omanu vaye. Wa va pamisa ca piãla, ovanyali vavo ci sule.

OLOSAMO 107:38

O va sumũlũisa okuti va licita calua. Kuenje ka tava okuti olongombe viavo vi tepuluka.

ETUNDILO 1:20

Oco Suku wa sumũluisa vakuakuovolola. Omanu va licita calua haivo va pama enene.

ETUNDILO 1:7

Omãla va Isareli va licita calua, va siata muẽle, va lua, va pama enene, ve yuka vofeka.

ETUNDILO 1:9

Wa popia lomanu vaye, hati, Omanu vaco va Isareli valua enene, haivo va pama, etu tu sule.

OLOSAPO 21:30

Ka ku li olondunge vi tamalala loku yula Yehova, ndaño alungulo, ndaño uloño.

OLOSAPO 27:4

Ocikumbiti ci futuisa utima, onyeño yi samoha, puãi o tela oku tamalala lesepa helie?

ATENDELO 22:3

Va Moavi va yokokela calua omanu vaco omo va lua. Va Moavi va kuatela va Isareli usumba.

YOANO 12:19

Oco va Fariseo va livangula pokati, vati, Tali okuti ko tẽla cimue. Oluali luosi lu u kuãi.

VA ROMA 8:28

Tua kũlĩha okuti ava va sole Suku, haivo va kovongiwa ndeci Suku a panga, Suku o talavaya lavo vovina viosi oku va sumũlũisa.

ESINUMUĨLO 26:5

Kuenje ove o sinumuĩla Yehova, Suku yove, huti, Tate u Arama, haeye ukuakuñualañuala. Wa lokila ke Egito kuenje haiko a kala ocingendeleyi, eye lomanu vaye vañamiñami. Puãi wa luilako toke wa linga epata linene, hailio lia pama, kuenda lia lova.