ESTER 9:25 - Embimbiliya - Bíblia Sagrada em Umbundu

²⁵ Puãi eci Ester eya kovaso a Soma, Soma wa tuma ovikanda ndokuti ocisimĩlo cĩvi ca Hamana, cina a simililile va Yudea, ciya kutue waye muẽle, kuenda okuti vo nyengeleka kumue lomãla vaye kocalẽla.

ESTER 9:25 Iomraidhean Croise

I OLOSOMA 8:32

oco ove, kilu, yevelela, linga, kuenda tetuluila akuenje vove, loku pisa ondingaĩvi, ovilinga viaye vivi ha vi wila kutue waye muẽle, puãi yowisa ukuesunga loku u muisa onima yesunga liaye.

ESTER 3:6

Puãi kokuaye oku ipaya Mordekai lika, citito. Momo vo sapuilile epata lia Mordekai, yu Hamana wa sanda oku nyõla vakuepata lia Mordekai vosi, okuti va Yudea vosi va kala vuviali wa Ahasuero.

ESTER 7:10

Kuenje Soma wa popia hati, U nyengelekiko eye muẽle. Oco va nyengeleka Hamana kocalẽla Hamana a angiliyilile Mordekai. Oco onyeño ya Soma ya imuha.

ESTER 7:4

Momo tua landisiwa, ame lepata liange, ha va tu nyõli, ha va tu ipaya loku tu kundula. Nda tua landisiwile ño ha tu lingi apika valume lapika vakai nda sia popele cimue; momo ohali yetu nda yi sule, epese lia Soma nda lia lua.

ESTER 7:5

Oco Soma Ahasuero wa popia la Inakulu Ester hati, Helie omunu waco, kuenje o kasi pi, ukuasiata ndoyo?

OLOSAMO 140:8

A Yehova, ku ka ece kondingaĩvi evi a yongola. Ku ka tave okuti olongombo viayo vĩvi vi amako.

OLOSAMO 140:9

Ava va mungika va lituna. Va nyõlehe lumamohe u tunda volomela viavo.

OLOSAMO 141:10

Olondingaĩvi vi fe volonjanjo viavio muẽle osimbu ame muluka.

OLOSAMO 7:16

Evĩho liaye li tiukila kutue waye muẽle. Okukangisa kuaye ku wila konumbutue yaye muẽle.

OLOSAMO 7:17

Njimbila Yehova olopandu via sesamela esunga liaye. Njimba ocisungo coku sivaya onduko ya Yehova Tõlo.

OLOSAMO 94:23

Eye o va tiuwila olohõle viavo, loku va takisila evĩho liavo. Yehova Suku yetu o va nyõla.

OLOSAPO 26:27

U o fela okueve o famo, lu o tiñulula ewe, ewe liaco liu lundika.

OLOSAPO 5:22

Olohõle viondingaĩvi viu kuata, kuenje yi fila vovikolo viakandu aye.

ISAYA 22:25

Yeho va Ukualohoka wa popia hati, Keteke liaco ombambo ya kolisua vocinendele yi fuomohamo, yi tukũiwamo kuenje yi loka. Ocitele va patekeleko ci kupuka. Momo Yehova wa popia.

OVADIYA 1:15

Momo eteke lia Yehova li li ocipepi, kuenje liya kolofeka viosi. Ndeci wa linga haico ci ku lingiwila. O fetuluinyiwila ovilinga viove.

MATEO 21:44

U o kupukila kewe eli o sasoha, puãi u li kupukila liu keleketa pe.

I SAMUELE 25:39

Eci Daviti a yeva okuti Nabala wa fa wa popia hati, a Yehova pandiyiwe una wa fetuluinya ondaka yoku nondala yina ya popia Nabala, haeye wa tiula ukuenje waye koku linga cĩvi. Yehova wa fetuluinya ovilinga vivi via linga Nabala, wa vi tiula kokuaye. Oco Daviti wa tuma oku vangula la Avigaile okuti o linga ukãi waye muẽle.