ESTER 9:21 - Embimbiliya - Bíblia Sagrada em Umbundu

²¹ Wa va handeleka okuti va tata eteke liekui lakuãla leli liekui latãlo kosãi ya Adara, unyamo kunyamo.

ESTER 9:21 Iomraidhean Croise

ESERA 6:15

Kuenje onjo ya pua oku tungiwa keteke liatatu kosãi ya Adara kulima wepandu wokovava a Soma Dariu.

ESTER 3:7

Kosãi yatete, okuti osãi ya Nisani, kunyamo wekui lavali kovava a Soma Ahasuero, va imbaimba ocela ca Puri kovaso a Hamana eteke leteke. Kuenda va cimbaimba osãi losãi toke kosãi yekui lavali okuti osãi ya Adara.

ESTER 9:17

Ca pita keteke liekui latatu kosãi ya Adara, kuenje va puyuka keteke liekui lakuãla. Oco va tukula eteke liaco eteke liofesta lesanju.

ESTER 9:18

Puãi va Yudea va kala vo Siusana va liongolola keteke liekui latatu leteke liekui lakuãla kuenje va puyuka keteke liekui latãlo, kuenje va tukula eteke liaco okuti eteke liofesta lesanju.

ESTER 9:20

Oco Mordekai wa sonẽha ovina evi. Wa tuma ovikanda ku va Yudea vosi va kala volofeka viosi via Soma Ahasuero, ava va kala ocipepi, lava va kala kupãla.

ESTER 9:22

Oloneke viaco vivalokaiwa omo ovio oloneke va Yudea va sanga epuyuko kovanyali vavo. Osãi yaco yivalokaiwa omo oyo osãi esumuo liavo lia pongoloka esanju, lokulila ndonambi kua pongoloka epuyuko. Wa handeleka okuti oloneke viaco vi linga oloneke violofesta lonjolela, haivio oloneke vioku tuma olombanjaile omunu lomunu loku eca oviali kolosuke.

ESTER 9:27

oco va Yudea va tava okuti ovo muẽle kuenda ovitumbulukila viavo, la vosi va litokeka lavo, va ivaloka muẽle unyamo kunyamo oloneke viaco vivali ndomo ca sonehiwa vukanda wa Mordekai.

ESTER 9:29

Oco Inakulu Ester, omõla a Abihaili, kuenda u Yudea Mordekai va soneha oku tolisa ukanda wavali woku lombolola Puri.