ESTER 9:2 - Embimbiliya - Bíblia Sagrada em Umbundu

² oco va Yudea vokolofeka viosi via Soma Ahasuero va liongoluila vovaimbo avo oku yakela vana va pangele oku va talisa ohali. Kuenje lomue wa kala lutima oku yaka lavo, momo usumba wa va Yudea wa kuata omanu vosi.

ESTER 9:2 Iomraidhean Croise

EFETIKILO 35:5

Osimbu va enda ungende wavo ocinjoko ca Suku ca kuata ovaimbo a lisungue lavo, okuti ka va landuile vali omãla va Yakoba.

ESTER 8:11

Vovikanda viaco Soma wa tava okuti va Yudea vovovaimbo osi va liongolola ha va popela ovimuenyo viavo. Wa va iha omoko yoku nyõla loku ipaya loku kundula vosi va va katukila ha va yaki lavo, nda va tunda pi nda pi, ndaño oku ipaya omãla vavo lakãi vavo loku punda ovikuata viavo.

ESTER 8:17

Kuenje volofeka viosi lovovaimbo osi omu mua yevala ondaka ya Soma locihandeleko caye, va Yudea va kala lesanju lonjolela lofesta kuenda oloneke viepuyuko. Kuenje omanu va lua vakuafeka va litukula vati, Tu va Yudea, momo usumba wa va Yudea wa va kuata.

ESTER 9:10

ovo omãla ekui va Hamana, omõla a Hamedata, haeye unyali wa va Yudea; puãi ka va pundile cimue.

OLOSAMO 71:13

Ovanyali vange va kutiwe osõi, va take. Lava va sanda oku mbalula va sikililue lepembe letombo.

OLOSAMO 71:24

Elimi liange li vangula ekuatiso liove lia sunguluka eteke liosi. Momo ava va sanda oku mbalula va tatekiwa, kuenje va kutisiwa osõi.

ETUNDILO 23:27

Ndu pitisili kovaso ocinjoko cange. Vakualofeka viñi viñi ene vu vi katukila ame ndi va lulumisa. Ovanyali vene vosi ndi va imbisa kokuene olonyima.

ISAYA 8:9

Lunguki loku yokoka, ene alofeka, kuluili atũi, ene alofeka viosi vi kasi kupãla. Mãlẽhi, kuenje vu yokoka. Mãlehi, kuenje vu yokoka.

ESINUMUĨLO 2:30

Puãi Sihoni, Soma ya Hesibone, ka tavele oku tu pitisa vofeka yaye momo Yehova Suku yene wo tĩlĩsa kuenje wa sivisa utima waye okuti u weca peka liene, ndeci ci kasi etaili.

YEHOSUA 11:20

Momo Yehova wa ci panga okuti va tĩlise ovitima viavo, oco va katukile va Isareli loku liyaka lavo, hã ha va va kundula pe, ohenda lakamue, puãi va va kundule ndeci Yehova a handelekele Mose.

YEHOSUA 2:9

Wa popia lalume vaco hati, Nda kũlĩha okuti Yehova wa wihi ofeka. Vosi yetu tu vu kuetele onguele, kuenda vosi vakuafeka va soyela kovaso ene.