ESTER 8:5 - Embimbiliya - Bíblia Sagrada em Umbundu

⁵ kuenje Ester wa katuka, wa talama kovaso a Soma. Wa popia hati, Nda ci sanjuisa Soma, kuenda nda Soma wa sanjukila, kuenda nda Soma wa sima hati, Ca sunguluka, kuenda nda utima wa Soma wa njelela, oco ocihandeleko ci sonẽhiwe oku nyõla ovikanda via Hamana, u Agagi, omõla a Hamedata, vina eye a sonẽhela oku nyõla va Yudea va kasi volofeka viosi via Soma.

ESTER 8:5 Iomraidhean Croise

ESTER 2:17

oco Soma wo sola ca piãla, akãi vosi vakuavo ci sule, wo sanjukila ca velapo, afeko vakuavo ci sule, oco wo walisa kutue ekolowa liusoma ho lingi Inakulu komangu ya Wasiti.

ESTER 2:4

Kuenda ufeko wosi wa yelela Soma kutima eye a tumãle komangu ya Wasiti. Eci ca sanjuisa Soma, kuenje wa ci linga.

ESTER 3:1

Kovaso yovina evi Soma Ahasuero wa londisa Hamana omõla a Hamedata u Agagi, komangu ya velapo. Wo kemãlisa poku wiha omangu ya velapo, okuti olomangu violombuale viosi via kala laye vi sule.

ESTER 5:8

Nda Soma wa sanjukila, kuenda nda ca sunguluka ku Soma oku nyiha eci minga kuenda oku ndingila onjongole yange, Soma hẽla eye kumosi la Hamana kokulia ha va sokiyila kuenje hẽla ha tukula eci Soma a mula.

ESTER 7:3

Kuenje Inakulu Ester wa tambulula hati, A Soma, nda wa sanjukila kuenda nda Soma wa panga, popela omuenyo wange, olio epingilo liange. Popelavo epata liange, oyo onjongole yange.

ETUNDILO 33:13

Oco nda ñasi ciwa love, ndongise ovituwa viove okuti hu kulĩha si kala ciwa love. Sokololavo okuti omanu ava omanu vove.

ETUNDILO 33:16

Momo ci limbukiwa ndati okuti ñasi ciwa love, ame lomanu vove? Siti te nda wenda letu, okuti ame lomanu vove tu tepisua lomanu vakuavo vosi va kasi kilu lieve.

I SAMUELE 20:29

hati, Ngece, omo epata lietu li lumba ocilumba vimbo. Kota wa ñisika okuti ñalako. Oco cilo nda o nava ngece okuti oco ndi lipasule la vahuvange. Oco keyilile komesa ya Soma.