ESTER 8:14 - Embimbiliya - Bíblia Sagrada em Umbundu

¹⁴ Oco vakuavikanda va endela kotuvalu tuavo tu kuete olupesi tuna tu lingainga upange wa Soma, va enda lonjanga ndomo Soma a va kisika. Oluiya luaco lua tunda vombala ya Siusana.

ESTER 8:14 Iomraidhean Croise

I OLOSOMA 4:28

Otuvalu tuaño lotuvalu tuolupesi va tu nenelavo osevata lopaya, kuna kua tukuiwa, omunu omunu ndocikundi caye.

II ASAPULO 30:6

Oco olomunga via enda lovikanda via tumiwa la Soma kumue lolombuale viaye, yu va ñuala Isareli yosi la Yuda ndomo Soma a ci handeleka. Va popia vati, Ene a va Isareli, pongolokeli ku Yehova, Suku ya Avirahama la Isake la Isareli, oco eye a tiuke kokuene wa supipo, haene wa puluki povaka olosoma via Asuria.

NEHEMIYA 1:1

Olondaka via Nehemiya, omõla a Hakaliya. Kulima wakũi avali, kosãi ya Kisileu, eci nda kala kombala ya Susana,

ESTER 1:2

Eci Soma Ahasuero a tumãla kocalo caye cusoma vombala ya Siusana,

ESTER 2:3

Soma a kape kolofeka viosi viusoma waye vakualonduko ha vongoluila vonjo yakãi velombe lia Siusana afeko volondambi. Va laviwe la Hegai, enuku lia Soma haeye utati wakãi. Va vaihe ulela woku wava.

ESTER 3:13

Oco ovikanda viaco via tumiwa povaka a vakuakutuala ovikanda kolofeka viosi via Soma. Vovikanda viaco mua sonehiwa hati, Nyõli va Yudea vosi. Va ipayi loku va kundula tunde komãla toke kakulu, lakãi loloñaña. Ci malusuli veteke liongongo okuti keteke liekui latatu liosãi yekui lavali yokuti osãi ya Adara. Noke pundi ovipako viavo.

ESTER 3:14

Kofeka lofeka kua tumiwa ukanda waco ndokuti va kapa ocihandeleko komanu vosi ha va kapelako keteke liaco.

ESTER 3:15

Oco vakuakuambata ovikanda va yayulako ndondaka ya Soma. Oluiya luaco lua imbiwavo vombala ya Siusana. Soma la Hamana va tumãla oku liola, puãi imbo linene lia Siusana lia tokotelua.

ESTER 8:13

Ukanda waco woluiya wa tumiwa kolofeka viosi, londaka yaco ya sapuiwa komanu vosi. Kuenje ca taviwa okuti eteke liaco va Yudea va mala oku liangiliya oku fetuluinya anyali vavo.

ESTER 8:15

Noke Mordekai wa tunda kovaso a Soma. Wa wala uwalo wusoma u tekavelua kuenda u yela. Wa walavo ekolowa linene liulu kuenda onanga ya fina yovalatanya lohusu. Imbo lia Siusana lia yolela kuenda lia sanjuka.

UKUNDI 9:10

Cosi eka liove lia kuata ci linga longusu yove; momo vonjembo omo wenda ka muli upange, ndaño ovikuata, ndaño ukũlĩhiso, ndaño olondunge.

DANIELE 8:2

Kuenje vocinjonde caco nda kala velombe lioko Susiana, kofeka y'Elami. Kuenje vocinjonde caco nda limbuka okuti ñasi kolui Ulai.

I SAMUELE 21:8

Daviti wa pula Ahimeleke hati, Kulo ku kuete onjelia pamue osipata? Ame siambatele ndaño osipata ndaño ovimaleho vikuavo omo ondaka yosoma yi kuete onjanga.