ESTER 8:11 - Embimbiliya - Bíblia Sagrada em Umbundu

¹¹ Vovikanda viaco Soma wa tava okuti va Yudea vovovaimbo osi va liongolola ha va popela ovimuenyo viavo. Wa va iha omoko yoku nyõla loku ipaya loku kundula vosi va va katukila ha va yaki lavo, nda va tunda pi nda pi, ndaño oku ipaya omãla vavo lakãi vavo loku punda ovikuata viavo.

ESTER 8:11 Iomraidhean Croise

ESTER 3:13

Oco ovikanda viaco via tumiwa povaka a vakuakutuala ovikanda kolofeka viosi via Soma. Vovikanda viaco mua sonehiwa hati, Nyõli va Yudea vosi. Va ipayi loku va kundula tunde komãla toke kakulu, lakãi loloñaña. Ci malusuli veteke liongongo okuti keteke liekui latatu liosãi yekui lavali yokuti osãi ya Adara. Noke pundi ovipako viavo.

ESTER 9:18

Puãi va Yudea va kala vo Siusana va liongolola keteke liekui latatu leteke liekui lakuãla kuenje va puyuka keteke liekui latãlo, kuenje va tukula eteke liaco okuti eteke liofesta lesanju.

OLOSAMO 137:8

Amõla a Bavulono ukãi, okuakunyola! U o ku linga ove ndomo ove wa tu linga etu, o sumũlũha.

OLOSAMO 68:3

Olondingesunga puãi vi sanjuke, vi uluile kovaso a Suku. Va yolele lesanju.

ISAYA 10:6

Ndu tuma kofeka ya tomba Suku, kuenje ndu kundikila omanu vonyeño yange ondaka okuti o kuata ocikumba, kuenda ohute, loku va kosa ndonata yovoluwa.

ESEKIELE 39:10

okuti ka va sukila vali oku tiaña olohui kovapia, pamue oku vi timbula kasisi. Momo va siakãla lovimãleho; va punda vana va va pundile, va nyẽha vana va va nyẽhele. Ñala Yehova wa popia.