ESTER 7:8 - Embimbiliya - Bíblia Sagrada em Umbundu

⁸ Noke Soma wa tunda kocumbo coloneleho celombe, weya vali konjo yofesta yovinyu kuenje wa mola Hamana a kala loku kupukila kula oko Ester a kala. Kuenje Soma wa pula hati, Wa yonguile oku nyõla Inakulu kovaso ange vonjo yange? Eci olondaka evi via tunda vomela wa Soma, va tuvika ocipala ca Hamana.

ESTER 7:8 Iomraidhean Croise

ESTER 1:5

Eci oloneke viaco via pua, Soma wa lingilavo ofesta yinene vosi vakuambala ya Siusana, tunde kuava vanene toke kuava va sule. Ofesta yaco ya kala oloneke epanduvali vocumbo coloneleho ca kala vocitali celombe.

ESTER 1:6

Vonjo yaco mua kala olonanga vi yela levi vi tekãvelua. Va vi nyoñamisa kovinunga viopalata lovikolo via fina levi viohusu, haico kolongunji viovawe a nina. Kua kalavo ovola ulu lopalata a kapiwa posi yovawe a tĩla lavala añi añi.

ESTER 6:12

Kovaso yaco Mordekai wa tiukila vali pombundi ya Soma. Puãi Hamana wa enda konjo yaye lonjanga loku lila, kuenda wa lisikĩlila kutue.

ESTER 7:10

Kuenje Soma wa popia hati, U nyengelekiko eye muẽle. Oco va nyengeleka Hamana kocalẽla Hamana a angiliyilile Mordekai. Oco onyeño ya Soma ya imuha.

YOVI 9:24

Oluali lua eciwa peka lia vakuevĩho. Eye o vuvika ovipala violonganji vialuo. Nda heyeko nda helie?

ISAYA 22:17

Amunu wa pama, tala! Yehova o ku imba longusu ha ku inasi. O ku kuata longusu.

ISAYA 49:23

Olosoma vi linga ovilelamãla viove kuenda vainakulu vavo va linga ovanyamisi vove. Va ku fendela lovipala viavo posi, va lesa oneketela yopolomãi viove. Oco o kũlĩha okuti ame ndi Yehova, kuenje ava va njimbila ovaso ka va kutiwa osõi.

AMOSI 3:12

Ca popia Yehova ceci, hati, Ndeci ungombo a popela komẽla wohosi ovolu avali pamue okacinimbu ketũi, haico omãla va Isareli, ava va kasi vo Samaria, va popelua, okuti vambata okanẽle komangu pamue ongunji yula.

MARKO 14:65

Oco vamue va fetika oku u siyila kuenje, oku sitika ocipala caye, vo veta loku linga vati, U pilula. Akuenje vaco, eci vo tambula, vo tendula ovikusi.