ESTER 7:4 - Embimbiliya - Bíblia Sagrada em Umbundu

⁴ Momo tua landisiwa, ame lepata liange, ha va tu nyõli, ha va tu ipaya loku tu kundula. Nda tua landisiwile ño ha tu lingi apika valume lapika vakai nda sia popele cimue; momo ohali yetu nda yi sule, epese lia Soma nda lia lua.

ESTER 7:4 Iomraidhean Croise

NEHEMIYA 5:5

Kaliye osonde yetu haiyo yimosi leyi ya vakuetu, lomãla vetu haico cimosi lomãla vavo. Haimo lumue omãla vetu tua va yekela ha va lingi apika. Omãla vamue vetu vakãi va linga ale apika, kuenje ka tu tẽla oku va yovola, momo ovapia etu loviumbo vietu vi kasi povaka amãle.

ESTER 3:13

Oco ovikanda viaco via tumiwa povaka a vakuakutuala ovikanda kolofeka viosi via Soma. Vovikanda viaco mua sonehiwa hati, Nyõli va Yudea vosi. Va ipayi loku va kundula tunde komãla toke kakulu, lakãi loloñaña. Ci malusuli veteke liongongo okuti keteke liekui latatu liosãi yekui lavali yokuti osãi ya Adara. Noke pundi ovipako viavo.

ESTER 3:9

Oco, nda ca sunguluka ku Soma, va ci sonẽhe okuti va va ipe, kuenje ame ngeca ku vakalei kolombongo viosoma ekui liolohũlũkãi violotalendo viopalata ndokuti vi kapiwa vombango ya Soma.

ESTER 7:5

Oco Soma Ahasuero wa popia la Inakulu Ester hati, Helie omunu waco, kuenje o kasi pi, ukuasiata ndoyo?

ESTER 7:6

Ester wa tambulula hati, Unyãli haeye omakuli hayu, Hamana! Kuenje Hamana usumba ka li kuete kovaso a Soma lo kovaso a Inakulu.

ESTER 8:11

Vovikanda viaco Soma wa tava okuti va Yudea vovovaimbo osi va liongolola ha va popela ovimuenyo viavo. Wa va iha omoko yoku nyõla loku ipaya loku kundula vosi va va katukila ha va yaki lavo, nda va tunda pi nda pi, ndaño oku ipaya omãla vavo lakãi vavo loku punda ovikuata viavo.

ESTER 8:6

Momo nela ndati oku mõla ohali yiya kepata liange? Pamue nela ndati oku mõla ekundu lia vangandiange?

ESTER 9:25

Puãi eci Ester eya kovaso a Soma, Soma wa tuma ovikanda ndokuti ocisimĩlo cĩvi ca Hamana, cina a simililile va Yudea, ciya kutue waye muẽle, kuenda okuti vo nyengeleka kumue lomãla vaye kocalẽla.

DANIELE 6:2

Kuenje wa va tukuila asongui vatatu, pokati kavo pa kala Daniele, okuti apalanga va va lekise ovopange avo, oco Soma ka ka sange epese.

YOELI 3:6

Wa landisi va Yuda la va Yerusalãi ku va Helasi ho va sanduila kupãla lofeka yavo.

AMOSI 2:6

Ca popia Yehova ceci, hati, Mekonda liolohole vitatu via Isareli, ndaño vikuãla, oku tiula eyambulo liavo si kuatako. Momo va landisa olondingesunga lopalata, lolosuke lolohaku vivali.

LUKA 12:45

Puãi nda ukuenje waco o litana lutima waye hati, Cime cange keya ndopo, kuenje o fetika oku veta akuenje lafeko kuenda oku lia loku nyua kuenda oku kolua,

ESINUMUĨLO 28:68

Kuenje Yehova o ku tiula vali ke Egito lolonaviyu, haiwo ungende nda likuminyile love, siti, Ku u lingi vali. Oko vu seteka oku lilandisa kovanyãli vene ho lingi apika valume lapika vakãi, puãi lomue o vu landa.

YEHOSUA 9:23

Cilo wa siñaliwi. Kokuene ka ku kambi oku tunda apika, latiañi volohui lavakuakutapela onjo ya Suku yange ovava.

I SAMUELE 22:23

Kala lame, ku ka yokoke, momo wosi o sanda omuenyo wange o sandavo omuenyo wove. Nda o kala lame o koka.