ESTER 6:9 - Embimbiliya - Bíblia Sagrada em Umbundu

⁹ Uwalo waco lokavalu kaco va vi ece ku umue pokati kolombuale via velapo via Soma. Eye a walise omunu waco Soma a yongola oku kemalisa. Vo wendisile kokavalu loku ñuala ñuala laye volokololo vimbo. Va imbile okuiya kovaso aye, vati, Eci oco ci lingiwila omunu Soma a yongola oku kemalisa.

ESTER 6:9 Iomraidhean Croise

EFETIKILO 41:43

kuenje wo londisa vekãlu liavali a kala lalio. Vo kalukila vati, U kekamẽli. Oco wo vialeka kofeka yosi ye Egito.

ESTER 6:10

Oco Soma wa popia la Hamana hati, Yayulako. Tambula uwalo lokavalu, ndomo wa popia. Ci lingila muẽle u Yudea Mordekai wa tumayala pombundi ya Soma. Ku ka sieko ndaño cimosi kuevi wa tukula.

ESTER 6:6

Leci Hamana a iñila, Soma wo pula hati, Nye va lingila omunu Soma a yongola oku kemalisa? Hamana wa sima hati, Helie vali wa mbelapo okuti Soma a yongola oku kemãlisa okuti ame sule?

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.