ESTER 4:14 - Embimbiliya - Bíblia Sagrada em Umbundu

¹⁴ Momo nda wa liuwulapo olumue oloneke vilo, epopelo leyovo lia va Yudea li tunda kumue kuiñi, puãi ove lonjo ya isiove vu taka. Helie o ci nda otembo yaco yilo oyo ove wa nolelua oku linga Inakulu yofeka?

ESTER 4:14 Iomraidhean Croise

EFETIKILO 22:14

Oco Avirahama wa lukako onduko hati, Yehova-yire, ca lomboloka citi Suku o miusa. Haico ci popiwa toke ketaili lilo, citi, Vomunda ya Yehova, Yehova o muisa.

II OLOSOMA 13:5

Yehova wa iha Isareli onjovoli kuenje va puluka peka lia va Suria. Va Isareli va tunga volonjo viavo ndeci va kaile ale.

II OLOSOMA 19:3

Va popia laye vati, Ca popia Hesekiya ceci, hati, Eteke lilo eteke liohali, lieyambulo, hailio lioku kutisua osõi. Momo omãla veya voku citiwa, puãi ongusu yoku va cita ka pali.

ESERA 9:9

Tuapika, puãi haimo Suku yetu ka tu yandulukile kupika wetu. Wa tu sola locisola ka ci pui kovaso olosoma via Persia Wa tu tumbulula ha tu tungi onjo ya Suku yetu loku tumbulula cosi ca nyõlẽhele, loku tu iha ocimbaka combindikiyo vo Yuda lovo Yerusalãi.

NEHEMIYA 6:11

Ame puãi nda popia laye siti, Omunu ndame hẽ o tila nga? Kuenda vali, helie wa soka ndame o tela oku iñila vonembele loku kala lomuenyo?! Si iñila muẽle!

ESTER 2:15

Eci ceya okuti Soma wa kovonga Ester, omõla a Abihaili, inanu ya Mordekai, una o tambuile ndomõlaye muẽle, oco Ester lacimue a pinga te eci ca tukula Hegai, enuku lia Soma, haeye ukuakutata akãi. Omanu vosi va mõla Ester vo sanjukila.

ESTER 2:17

oco Soma wo sola ca piãla, akãi vosi vakuavo ci sule, wo sanjukila ca velapo, afeko vakuavo ci sule, oco wo walisa kutue ekolowa liusoma ho lingi Inakulu komangu ya Wasiti.

ESTER 2:7

Undeti Mordekai wa tekula Hadasa, haeye Ester, omõla a inanu yaye, omo ka kaile la isiaye ndaño inaye. Ufeko waco wa posoka kuenda ondambi muẽle. Eci isiaye la inaye va fa, Mordekai wo tambula ndomõlaye muẽle.

ESTER 4:13

Mordekai wa tuma ekumbululo ku Ester hati, Ku ka sokolole huti, Omo ñasi velombe muluka, ndaño va Yudea vosi vakuavo ka va puluka.

ESTER 4:15

Oco Ester wa tuma vali ekumbululo ku Mordekai hati,

YOVI 9:18

Ka tava okuti fuima, puãi o ñutisa eci ci lula.

UKUNDI 3:7

eteke lioku tola, kuenda eteke lioku tonga; eteke lioku ũha, kuenda eteke lioku popia;

ISAYA 49:23

Olosoma vi linga ovilelamãla viove kuenda vainakulu vavo va linga ovanyamisi vove. Va ku fendela lovipala viavo posi, va lesa oneketela yopolomãi viove. Oco o kũlĩha okuti ame ndi Yehova, kuenje ava va njimbila ovaso ka va kutiwa osõi.

ISAYA 54:17

lacimue ocimãlẽho va ci telela oku yaka love ci ku linga cimue; kuenje o yula alimi osi a ku katukila vekanga. Eci oco ocipiñalo cakuenje va Yehova, kuenda esunga liavo lia tunda kokuange. Oco ca popia Yehova.

YEREMIYA 30:11

momo ame ñasi lene oku vu popela. Sulisa olofeka viosi oko ndo sanduilili, ene puãi siu sulisi. Ndu yambuli ndeci co sesameli. Sikambi muẽle oku vu yambula. Oco ca popia Yehova.

YEREMIYA 46:28

A Yakoba, okuenje wange, ku ka kuate usumba; momo ame ñasi love. Nyõla pe olofeka viosi oko nda ku sandui lile, ove puãi siu ku nyõli. Hu yambula ndeci wa soka laco. Si tava okuti o puluka eyambulo. Oco ca popia Yehova.

OVISILA 26:42

oco njivaluka ohuminyo yange la Yakoba, lohuminyo yange la Isake, lohuminyo yange la Avirahama. Njivalukavo ofeka.

MATEO 16:18

Oco hu sapuila, siti, Ove ove Petulu. Pohanda yaco nungilapo ekongelo liange, kuenje olohõlo vionjembo ka vi li yuli.

MATEO 24:22

Kuenje, nda oloneke viaco ka via tepuluilue, nda lomue omunu o popeliwa, puãi oloneke viaco via tepuluilua ava va noliwa.

ESINUMUĨLO 32:36

Momo eci Yehova a mõla okuti unene wavo wa pua, leci a mõla okuti ka pa va supila ndaño umosi, ci kale upika, ci kale omamale, oco Yehova o tetuluila omanu vaye, kuenje o linga akuenje vaye ohenda.

LIOLONGANJI 15:6

Oco va Filisiti vati, Eci helie wa ci linga? Omanu vati, Samisone, ndatembo yu Timina, momo wa wupa ukãi waye, wa weca kukuavo. Oco va Filisiti veya, va yoka ukãi londalu, eye kumue la isiaye.

I SAMUELE 12:22

Momo Yehova ka yanduluka omanu vaye omo onduko yaye yi kola. Momo ca sanjuisa Yehova oku u noli ho lingi omanu vaye muẽle.

I SAMUELE 17:29

Daviti yu wa pula hati, Nda linga nye nga? Siti oku pula nda pula ño?