ESTER 3:8 - Embimbiliya - Bíblia Sagrada em Umbundu

⁸ Kuenje Hamana wa sapuila Soma Ahasuero hati, Vuviali wove mua lisandeka epata limue. Epata liaco lia sandokaila pokati kapata akuavo volofeka viosi. Omanu vaco ovihandeleko viavo via litepa levi viomanu vakuavo vosi, kuenda ka va tava kovihandeleko via Soma, oco ka ci kuatisa Soma oku kala lavo.

ESTER 3:8 Iomraidhean Croise

ESERA 4:6

Kuenje kefetikilo liovava a Soma Ahasuero va soneha oku pindika olonungi via Yuda levi via Yerusalãi.

NEHEMIYA 1:8

Ivaluka ocikundi wa eca ku Mose, huti, Nda wu ñualelipo ndu sanduili pokati kolofeka.

ESTER 3:9

Oco, nda ca sunguluka ku Soma, va ci sonẽhe okuti va va ipe, kuenje ame ngeca ku vakalei kolombongo viosoma ekui liolohũlũkãi violotalendo viopalata ndokuti vi kapiwa vombango ya Soma.

ESTER 4:1

Oco eci Mordekai a yeva cosi ca pita, wa tola uwalo waye, wa wala ikelei loku lisieketa letiko. Wa enda pokati kimbo loku kuakua londaka yinene yocinguva.

YEREMIYA 33:24

Kua limbukile eci ci kasi loku popia omanu ava, vati, Apata avali Yehova a nõlẽle kaliye wa a takumũla?— Oco va sepula omanu vange okuti ka va tendiwa vali ndofeka kovaso avo.

YEREMIYA 50:17

Isareli ya soka ndomeme ya lupuisua lolohosi. Tete, Soma ya Assuria yo lia, kaliye kesulilo Nevukandesa, Soma ya Bavulono, wa takĩla akepa aye.

ESEKIELE 11:16

Oco popia huti, Ca popia Ñala Yehova ceci, hati, Ndaño nda va tuma kupãla pokati kapata akuavo, ndaño nda va sandowaila pokati kolofeka, haimo nda va lingila ombindikiyo osimbu va kala volofeka omo va sandokaila.

ESEKIELE 6:8

Haimo siapo ocisupe. Eci pokati kolofeka pali vamue vene va puluka kosipata, leci vu sandokaila kolofeka,

DANIELE 3:8

Oco koloneke viaco, va Kaldea vamue veya kuenje va pindika va Yuda.

DANIELE 6:13

Yu va tambulula vali Soma, vati, Daniele, una ukuepata liolomandekua vio ko Yuda, ka ku sumbile, a Soma, ndaño ocihandeleko ci kuete onduko yove, puãi o likutilila olonjanja vitatu veteke.

DANIELE 6:14

Eci a yeva olondaka viaco, Soma yu wa sumua calua kuenje wa likapela oku popela Daniele; yu wa sakalala ho popela toke ekumbi lia iñila.

OVISILA 26:33

Kuenje ndu sanduili volofeka loku vu polela osipata. Ofeka yene yi linga ekalasoko, lovaimbo ene alunda.

SAKARIYA 7:14

Nda va sandula lehunguhungu pokati kolofeka viosi vina ka va kũlĩhĩle. Oco ofeka ya siala upolokoso okuti lomue o pitamo vali. Ofeka ya posoka ya linga ekalasoko.

ATENDELO 23:9

Oku talama kilu lionumbuko ndi va lete. Oku talama kowulu nela oku va vanja. Ndimbuka okuti omanu vaco va likasilili. Ka va tava oku tendiwa kumosi lolofeka vikuavo.

YOANO 7:35

Va Yudea va livangula pokati vati, Omunu u enda pi okuti ka tu u sangi? Enda nga ku va Yudea va sandokaila pokati ka va Helasi loku longisa va Helasi?

OVILINGA 24:5

Momo ulume u, tuo sanga okuti onjaki. O wengola ovosuanji pokati ka va Yudea vosi voluali luosi, haeye usongui wocisoko ca va Nasiri.

OVILINGA 28:22

Puãi tu yongola oku yeva ovisimilo viove, momo, kondaka yocisoko caco tua kũlĩha okuti kuosi va ci patayãla.

ESINUMUĨLO 30:3

oco Yehova, Suku yove, o tumbulula esumũlũho liove, loku ku kuatela ohenda. O ku ongolola kolofeka viosi kuna Yehova, Suku yove, a ku sanduila.

ESINUMUĨLO 32:26

Nda nda popele siti, Nda va sanduila kupãla. Ndinga okuti ka va ivalukiwa vali pokati komanu;—

ESINUMUĨLO 4:27

Ava va supa pokati kene Yehova o va sandola pokati kolofeka. Vu kali ño vañamiñami volofeka omo Yehova a vu tuma.

TIAGO 1:1

Ame ndi Tiago, haime ndukuenje wa Suku kuenda wa Ñala Yesu Kristu, Ndi sonehela apata ekui la a vali a sandoka. Kalungi!

I PETULU 1:1

Ame ndi Petulu, haime ndupostolo wa Yesu Kristu, Ndi sonehela vakuetavo va sandokaila kolonele kuiñi kuiñi, ko Pondu lo ko Galatia, lo ko Kapadokia, lo ka Asia, lo ko Bitunia.