ESTER 3:13 - Embimbiliya - Bíblia Sagrada em Umbundu

¹³ Oco ovikanda viaco via tumiwa povaka a vakuakutuala ovikanda kolofeka viosi via Soma. Vovikanda viaco mua sonehiwa hati, Nyõli va Yudea vosi. Va ipayi loku va kundula tunde komãla toke kakulu, lakãi loloñaña. Ci malusuli veteke liongongo okuti keteke liekui latatu liosãi yekui lavali yokuti osãi ya Adara. Noke pundi ovipako viavo.

ESTER 3:13 Iomraidhean Croise

II ASAPULO 30:6

Oco olomunga via enda lovikanda via tumiwa la Soma kumue lolombuale viaye, yu va ñuala Isareli yosi la Yuda ndomo Soma a ci handeleka. Va popia vati, Ene a va Isareli, pongolokeli ku Yehova, Suku ya Avirahama la Isake la Isareli, oco eye a tiuke kokuene wa supipo, haene wa puluki povaka olosoma via Asuria.

ESTER 7:4

Momo tua landisiwa, ame lepata liange, ha va tu nyõli, ha va tu ipaya loku tu kundula. Nda tua landisiwile ño ha tu lingi apika valume lapika vakai nda sia popele cimue; momo ohali yetu nda yi sule, epese lia Soma nda lia lua.

ESTER 8:5

kuenje Ester wa katuka, wa talama kovaso a Soma. Wa popia hati, Nda ci sanjuisa Soma, kuenda nda Soma wa sanjukila, kuenda nda Soma wa sima hati, Ca sunguluka, kuenda nda utima wa Soma wa njelela, oco ocihandeleko ci sonẽhiwe oku nyõla ovikanda via Hamana, u Agagi, omõla a Hamedata, vina eye a sonẽhela oku nyõla va Yudea va kasi volofeka viosi via Soma.

ESTER 9:1

Oco kosãi yekui lavali, ndokuti osãi ya Adara, keteke liekui latatu kosãi yaco, eci va sima oku linga ondaka ya Soma locihandeleko caye, hailio eteke anyãli va va Yudea va yonguile oku va yula, puãi eteke liaco lia pongoloka eteke va Yudea va yula anyãli vavo,

ESTER 9:10

ovo omãla ekui va Hamana, omõla a Hamedata, haeye unyali wa va Yudea; puãi ka va pundile cimue.

ESTER 9:5

Oco va Yudea va yaka lanyali vavo losipata, va va ipaya, va va kundula, kuenje va linga ndomo va panga lava va va suvuka.

YOVI 9:25

Oloneke viange vi enda lonjanga, onjanga yukuakulupuka yi sule. Vi tila, ka vi mõli esumulũho.

ISAYA 10:6

Ndu tuma kofeka ya tomba Suku, kuenje ndu kundikila omanu vonyeño yange ondaka okuti o kuata ocikumba, kuenda ohute, loku va kosa ndonata yovoluwa.

YEREMIYA 51:31

Katumua o tokeka lakatumua kakuavo, kuenda omunga yi tokeka lomunga yikuavo, ha va sapuila Soma ya Bavulono okuti imbo liaye lia kuatiwa kolonẽle viosi.

VA ROMA 3:15

Olomãi viavo vi yayuila koku pesela osonde.

TIAGO 2:13

Momo, u ka kala kala lohenda ka tetuluiwa lohenda, haimo lumue ohenda yi yula vekanga.

I SAMUELE 15:3

Oco kuende, ka ipaye amaleke loku nyõla cosi va kuete. Ku ka va kuatele ohenda. Nyõla cosi, lulume lukãi, loñaña loñañulũla, longombe lomeme, longamelo locimbulu.

I SAMUELE 22:19

Limbo lia Nove, olio imbo liovitunda viaco laliovo wa li kundula losipata. Lalume lakãi, lomãla loloñaña lolongombe lovimbulu kuenda olomeme, cosi wa ci kundula losipata.