ESTER 2:23 - Embimbiliya - Bíblia Sagrada em Umbundu

²³ Kuenje va kulĩhisa ondaka yaco. Eci ya sangiwa okuti yocili, kavali kavo vakuambundi va va nyengeleka vuti. Kuenda ca sonehĩwa velivulu liasapulo kovaso a Soma.

ESTER 2:23 Iomraidhean Croise

EFETIKILO 40:19

Pokati koloneke vitatu Fareo o ku teta utue, loku ku nyoñamisa kuti, kuenje olonjila vi sokolola ositu ketimba liove.

EFETIKILO 40:22

Puãi kalei ka vakualombolo wo nyoñamisa ndeci ca va lomboluila Yosefe.

ESERA 4:15

okuti o kũlĩhisa ciwa velivulu liasapulo olosekulu viove. Velivulu liaco liasapulo o limbuka okuti imbo liaco imbo liusuanji, hailio lia kuatelele olosoma lolofeka olonamalala. Lomanu vaco tunde nunde vakuakuwengola ovaima. Omo ovituwa vialio vĩvi oco imbo liaco lia nyolehẽla.

ESTER 10:2

Kuenje ovilinga viunene waye wa lua lesapulo liunene wa Mordekai, una Soma a kemãlisa, ka via sonẽhiwile puãi velivulu lia Asapulo Olosoma via Media la Persia?

ESTER 5:14

Oco ukãi waye Seresi kumosi lakamba vaye vosi vati, Ku tungiwe ocalẽla ci kuete akuĩ atãlo kovikeya oku lepa, kuenje omele sapuila Soma huti, Va nyengelekeko Mordekai, oco wende noke lesanju kumosi la Soma kokulia. Ondaka oyo Hamana yo sunguluka, yu wa tuma oku tunga ocalẽla.

ESTER 6:1

Vuteke waco muẽle Soma ka pekelele otulo. Wa pinga oku u nenela elivulu liasapulo ovilinga viwa, yu vo li tangela.

ESTER 7:10

Kuenje Soma wa popia hati, U nyengelekiko eye muẽle. Oco va nyengeleka Hamana kocalẽla Hamana a angiliyilile Mordekai. Oco onyeño ya Soma ya imuha.

MALAKIYA 3:16

Oco, ava va sumba Yehova va livangola pokati, Yehova wa va yevelela, kuenje co lomboloka. Oco kuo sonehĩwĩla eliwulu lionjivaluko yava va sumba Yehova, haivo va sokolola onduko yaye.

YEHOSUA 8:29

Soma ya Hai wo nyoñamisa vuti toke koñolosi. Pokuiñila kuekumbi, Yehosua wa tuma oku tulula ocivimbi caye vuti. Va ci takumuila kombundi yimbo kuenje va ci lundika ondunda yinene yovawe. Haiko yi li toke etaili lilo.