ESTER 1:4 - Embimbiliya - Bíblia Sagrada em Umbundu

⁴ Ofesta yaco wa yi lingila oku lekisa ovokuasi lulamba wusoma waye leposo liuviali waye. Ofesta yaco ya tumala osimbu okuti ocita lakui ecelãla koloneke.

ESTER 1:4 Iomraidhean Croise

I ASAPULO 29:25

Yehova wa kemalisa calua Salomone kovaso a Isareli yosi, kuenje wa wiha ulamba luwale wa piãla, olosoma viosi viatete ci sule.

ESTER 1:3

kunyamo watatu wuviali waye, oco wa lingila ofesta yinene olombuale, lapalanga usoma, lasongui vovita va Persia la Media, lomanu vanene lolonguluvulu violofeka viaye.

ESTER 1:5

Eci oloneke viaco via pua, Soma wa lingilavo ofesta yinene vosi vakuambala ya Siusana, tunde kuava vanene toke kuava va sule. Ofesta yaco ya kala oloneke epanduvali vocumbo coloneleho ca kala vocitali celombe.

YOVI 40:10

Linga yapa. Liposuisa luwale kuenda ekemalo. Wala unene lulamba.

OLOSAMO 145:5

Ulamba wa piãla wuviali wove, lovilinga viove vi komohĩsa, ovio sinyanyẽha.

OLOSAMO 21:5

Ulamba waye u lua omo ove u kuatisa, u wihaiha esumbilo luwale.

OLOSAMO 45:3

Anõi, maleha osipata yove kocikalo, lulamba wove lunene wove.

OLOSAMO 93:1

A Yehova o viala, wa paleka uwale. Yehova wa wala olohõlo, haivio a litika lavio. Oluali laluovo lua kola, ka lu sengiwa.

ISAYA 39:2

Hesekiya wa vi sanjukila, kuenje wa vi lekisa etambo omu mua selekiwa ovipako viaye viopalata, lulu, lolosimbolua kuenda ulela wa tila. Wa vi lekisa onjo yosi omu mua kala ovimãlẽho viaye kuenda ovikuata viaye viosi. Vonjo yaye pamue vuviali waye ka mua kaile cimue okuti Hesekiya ka ci lekisile.

ESEKIELE 28:5

Lolondunge viove via lua vioku fũla wa luisa ukuasi wove. Kuenje mekonda liukuasi utima wove wa tumba,—

DANIELE 4:30

Soma yu wa popia hati, Halioko hẽ Bavulono, imbo linene, nda li tunga lomoko yunene wange, ha li lingi ombala yi muisa ulamba usoma wange?

DANIELE 4:36

Haico olondunge viange via njiya vali. Ulamba wusoma wange, lunene wange, luwale, wa niukila vali. Akulu vange lolombuale viange va sukila vali, yu nda tumbuluiwa vali vusoma wange kuenje unene wulamba wange wa mbokiyiwa.

DANIELE 5:18

Ove a Soma, Suku Tõlo wa ecele ku so Nevukandesa usoma lunene lulamba luwale.

MATEO 4:8

Eliapu lio tuala vali komunda yisovi ca lua, kuenje lio wilikila ovosoma osi okilu lieve lulamba wao;

MATEO 6:13

Ku ka tu songuile veyonjo, puãi tu popele kũvi. Momo usoma, wove; unene, wove; ulamba, wove; oloneke vi enda ño-o hũ. Amene.

VA ROMA 9:23

Eci mbi, wa ci lingila olombia via tungiwila ohenda, vina via noliwila ale oku muisua ulamba, okuti o vi muisa muẽle ukuasi wulamba waye.

VA EFESO 1:18

eci ovaso utima a patuluka. Ndu likutililivo okuti vu kũlĩha elavoko eye a panga oku u sumũlũisi lalio eci o kovongi, lukuasi wulamba wocipiñalo caye volosandu.

VA KOLOSAI 1:27

Ovo Suku wa va nola okuti o va situluila unene wukuasi wulamba welumbu liaco pokati ka vakualofeka. Elumbu liaco lieli, Kristu volonulo viene, eye elavoko liulamba wiya.

ESITULUILO 4:11

A Ñala yetu, a Suku yetu, wa posokela oku muisua ulamba lesumbilo lunene. Momo ove wa sovola ovina viosi. Vi kasilili ocipango cove, haico via lulikiwa laco.