ESTER 1:3 - Embimbiliya - Bíblia Sagrada em Umbundu

³ kunyamo watatu wuviali waye, oco wa lingila ofesta yinene olombuale, lapalanga usoma, lasongui vovita va Persia la Media, lomanu vanene lolonguluvulu violofeka viaye.

ESTER 1:3 Iomraidhean Croise

EFETIKILO 40:20

Keteke liatatu, hailio eteke liulima wa Fareo, Fareo wa lingila akuenje vaye vosi ofesta, yu wa pandulula kalei ka vakuavinyu kuenda kalei ka vakualombolo ha veya pokati kakuenje vaye.

I OLOSOMA 3:15

Salomone yu wa pasuka, kuenje tala, ca kala onjoi. Oco weya ko Yerusalãi, wa talama kovaso yocikasa covisila via Yehova, kuenje wa lumba ovilumba vioku pia elisi levi viombembua. Yu wa lingila akuenje vaye vosi ofesta.

ESERA 1:2

Ca popia Kuro; Soma yoko Persia, ceci, hati, Yehova, Suku yovailu, wa nyiha olofeka viosi violuali, haeye wa nyihavo ocikele coku u tungila onjo ko Yerusalãi yo vo Yuda.

ESTER 1:14

Ava vo kuãi kunene vava: Karisina la Setare la Adimata la Tarsisi kuenda Merese la Mariasema la Memukana, ovo olombuale epanduvali via Persia la Media, haivo va mõla mõla ocipala ca Soma, haivo vakualomangu viatete vusoma.

ESTER 1:4

Ofesta yaco wa yi lingila oku lekisa ovokuasi lulamba wusoma waye leposo liuviali waye. Ofesta yaco ya tumala osimbu okuti ocita lakui ecelãla koloneke.

ESTER 2:18

Oco Soma wa lingila ofesta olombuale la vakualomangu viunene; oyo ofesta ya Ester. Olofeka wa vi ecela oku feta ovolambu kuenda wa eca olombanjaile vinene viukuasi waye wuviali.

ESTER 3:7

Kosãi yatete, okuti osãi ya Nisani, kunyamo wekui lavali kovava a Soma Ahasuero, va imbaimba ocela ca Puri kovaso a Hamana eteke leteke. Kuenda va cimbaimba osãi losãi toke kosãi yekui lavali okuti osãi ya Adara.

ISAYA 21:2

Ukuakupunda o punda. Ukuakunyola o nyola. A Elami, lamanelãko; a Mẽdia, ñuala ocingonja. Nda sulisa okuleñaleña kuosi eye a koka.

YEREMIYA 51:11

Kaluli ovisongo! Yeluli oviyepelo! Yehova wa tokotisa ovitima violosoma via va Media, momo ocipango caye ca wengukila Bavulono oku yi nyõla. Momo olio efetuluinyo lia Yehova hailio efetuluinyo lioku fetuluinyila onembele yaye.

DANIELE 5:1

Soma Belsiatare wa linga ocipito cinene lohulukãi yolombuale viaye, haeye wa nyuila ovinyu kovaso avo.

DANIELE 5:28

PERES, ca lomboloka citi, usoma wove wa tepiwa pokati, kuenje wa eciwa ku va Media la va Persia.

DANIELE 6:1

Dariu yu wa panga oku tukuila ovopange uviali ocita lakũi avali kapalanga, ha va kala kolonẽle viosi viofeka.

DANIELE 8:20

Ocitupi comeme cina wa mõla, ca kala lolombinga vivali, olombinga viaco vivali ovio olosoma via Media la Persia.

MARKO 6:21

Puãi keteke liunyamo wa Herode kua moleha evelo, omo Herode wa laleka kofesta olosekulu viaye la vakesongo vaye lakulu va Galilea.