ESTER 1:19 - Embimbiliya - Bíblia Sagrada em Umbundu

¹⁹ Nda Soma o panga, a tume ocihandeleko cusoma, kuenda ci sonẽhiwe pokati kovihandeleko via va Persia la va Media okuti ka ci tava oku ci pongolola. A handeleke, hati, Wasiti ka keye vali ku Soma Ahasuero. Soma a piñalisepo umue wo velapo.

ESTER 1:19 Iomraidhean Croise

I OLOSOMA 3:28

Isareli yosi ya yeva ndomo Soma a teta ondaka eyi onimbu, kuenje va sumbila Soma, momo va limbuka okuti olondunge via Suku vioku tetulula via kala laye.

ESTER 1:18

Etali muẽle akãi va Persia la va Media, ava va yeva ale ndomo Inakulu a linga, va ci vangula lolombuale, kuenje kuiya etombo lonyeño ya lua.

ESTER 1:21

Onumbi eyi ya sanjuisa Soma lolombuale, kuenje Soma wa linga ndeci Memukana a popia.

ESTER 2:1

Ovina evi eci via pita, kuenda onyeño ya Soma Ahasuero ya tulumuha, oco Soma wa ivaluka Wasiti leci a lingile, leci wo silililepo.

ESTER 3:9

Oco, nda ca sunguluka ku Soma, va ci sonẽhe okuti va va ipe, kuenje ame ngeca ku vakalei kolombongo viosoma ekui liolohũlũkãi violotalendo viopalata ndokuti vi kapiwa vombango ya Soma.

ESTER 8:5

kuenje Ester wa katuka, wa talama kovaso a Soma. Wa popia hati, Nda ci sanjuisa Soma, kuenda nda Soma wa sanjukila, kuenda nda Soma wa sima hati, Ca sunguluka, kuenda nda utima wa Soma wa njelela, oco ocihandeleko ci sonẽhiwe oku nyõla ovikanda via Hamana, u Agagi, omõla a Hamedata, vina eye a sonẽhela oku nyõla va Yudea va kasi volofeka viosi via Soma.

ESTER 8:8

Oco kondaka ya va Yudea sonehi ño cosi wa pangi. Sonehi vonduko ya Soma, kuenda ci sitikiwe lonẽla ya Soma. Momo oluiya lua sonẽhiwa vonduko ya Soma loku sitikiwa lonẽla ya Soma lomue omunu o tẽla oku lu nyõla vali.

DANIELE 6:17

Yu va nena ewe kuenje va li kapa kuvelo weleva. Soma yu wa kapako ondimbukiso yaye muẽle, leyi yolombuale viaye, oco lacimue ci pongoluiwe kondaka ya Daniele.

I SAMUELE 15:28

Samuele yu wa popia la Saulu hati, Etaili Yehova wa ku nyẽha uviali wa va Isareli, wo weca kukuẽle wa ku velapo.