ESTER 1:12 - Embimbiliya - Bíblia Sagrada em Umbundu

¹² Puãi Inakulu Wasiti ka tavele oku iya ndomo Soma a tuma lakuenje vaye. Oco Ca funguisa ca lua Soma, kuenje onyeño yaye ya wenguka.

ESTER 1:12 Iomraidhean Croise

EFETIKILO 3:16

Wa popia lukãi hati, Ha luisa olongembia viove koku cita kuove; o cita cita omãla lolongembia, haimo onjongole yove yi kala kulume wove, leye o ku viala.

ESTER 1:11

hati, Wasiti ka wupi, u neni kulo kokuange. A wale ekolowa liaye liusoma okuti ndekisa komanu lokolombuale eposo liaye; omo eye ondambi ca lua.

ESTER 1:13

Noke Soma wa pula olonganji viovihandeleko, haivo va kulĩha ndomo mu lingaiwa, momo oco Soma a lingainga la vosi va kũlĩha ovihandeleko loku tetulula.

ESTER 7:7

Oco Soma wa tunda kofesta lonyeño ya lua, wa iñila vocumbo coloneleho ca kala velombe. Hamana puãi wa siala ha pingi omuenyo waye ku Inakulu Ester, momo wa limbuka okuti Soma wa panga oku u linga cĩvi.

OLOSAMO 74:1

A Suku, o tu takumowaila nye? Nye onyeño yove ya tuimilila olomeme viusenge wove?

OLOSAMO 79:5

A Yehova toke pi? O tema ño-o oloneke ka vi pui? Esepa liove hẽ, li taima ndondalu?

ETUNDILO 32:19

Tuli eya ocipepi locilombo kuenje wa mõla ongombe, lomo va kasi loku piluka, oco onyeño ya Mose ya wenguka. Wa kupula ovawe a kala povaka, wa a sasõwaila vepato liomunda.

ETUNDILO 32:22

Arone wa kumbulula hati, Onyeño ya cime cange ka yi ka wenguke. Ove wa kũlĩha omanu vaco okuti va puiya enene.

OLOSAPO 19:12

Onyeño yosoma ya soka ndokukumbakumba kuohosi, ocame caye ci kasi ndowume kowangu.

OLOSAPO 20:2

Ocikumbiti cosoma ca soka ndokukumbakumba kuohosi; u o wengula onyeño yaye o pesela omuenyo waye.

DANIELE 2:12

Soma yu wa tema loku fungula calua, wa handeleka okuti va ipaya olonoño viosi vio ko Bavulono.

DANIELE 3:13

Oco Nevukandesa wa tema loku fungula kuenje wa tuma oku kopa Sadrake la Mesake la Aved-Nego, yu va nena alume vaco ku Soma.

DANIELE 3:19

Kuenje Nevukandesa we yuka lonyeño, ocipala caye ca funguila Sadrake la Mesake la Aved-Nego. Yu wa handeleka okuti va tokotise fĩ ofolono loku vokiyako vali olonjanja epanduvali.

NAHUMI 1:6

Onyeño yaye helie o yi tẽla? Helie o tẽla okufeluka kuonyeño yaye? Onyeño yaye yi peseka ndondalu, lovawe a toliwa laye.

VA EFESO 5:22

Akãi, pokoli ku vaveyene ndeci ku Ñala.

VA EFESO 5:24

Ndeci ekongelo li pokola ku Kristu haico ca sesamelavo akãi oku pokola ku vaveyavo kovina viosi.

ESINUMUĨLO 29:20

Yehova ko wecela, puãi onyeño ya Yehova kuenda esepa liaye vi wengukila omunu waco. Asiñalo a sonẽhĩwa velivulu lilo o vata, kuenje Yehova o nyõla onduko yaye vemẽhi lilu.

I PETULU 3:1

Haico ene akãi, pokoli ku vaveyene okuti vamue, ndaño ka va tava kondaka, kuenda ndaño ondaka yimosi ka yi popiwa, haimo va kokiwa lovilinga viakãi vavo,