ESITULUILO 8:3 - Embimbiliya - Bíblia Sagrada em Umbundu

³ Kueyavo ungelo ukuavo wambata ociyukilo condalu culu, yu wa talama ocipepi lutala. Kokuaye kua eciwa insensu ya lua, okuti o yi kapa kumue lolohutililo violosandu viosi kutala wulu u kasi kovaso yocalo.

ESITULUILO 8:3 Iomraidhean Croise

I OLOSOMA 7:50

olokopo lotuayola lolombasiya lovikapo vinsensu, loviyukilo, via pangiwa lulu wopululu. Olondovalisia viapito onjo yovokati, haiyo yi kola koku kola, levi viapito onjo, ndokuti onembele, via pangiwa lulu.

OLOSAMO 141:2

Ohutililo yange kokuove yi linge ndinsensu. Okutulika kuovaka ange ku linge ndocilumba coñolosi.

ETUNDILO 40:26

Wa kapa utala wulu vombalaka yoku ñualẽhẽla la Yehova kovaso yongumbo.

ISAYA 6:6

Oco umue u Serafi wa palãlẽla kokuange, wambata ekãla liondalu peka liaye, wa li upa kutala lomala:

ESEKIELE 41:22

Utunga wutala waco ovikeya vitatu, lusõvĩ wawo ovikeya vivali, lupati wawo ovikeya vivali. Avindi awo loposi yawo lolohaka viawo cosi avaya. Wa popia lame hati, Eyi oyo omesa yi kasi kovaso a Yehova.

AMOSI 9:1

Nda mõla Yehova yu, o tãi konẽle yutala. Kuenje wa popia hati, Veta otulukuki tuokilu toke otulukuki tuoposi tu luluma. Tu nyanyowaila kovitue viomanu vosi. Ava va supapo ndi va ponda losipata. Lomue umosi pokati kavo o tila. Lomue umosi pokati kavo o puluka.

MALAKIYA 1:11

Momo, tunde kutundilo wekumbi toke kutakelo walio onduko yange yi kemãlã pokati kolofeka. Vofeka yosi insensu yi timĩhĩwila onduko yange, locilumba ci ndumbiwila ci yela, momo onduko yange yi kemãlã pokati kolofeka. Oco ca popia Yehova Ukualohoka.

ATENDELO 4:11

Utala wulu tete vo sikĩlĩla lonanga yonoloti, noke va sikĩlĩla lonanga yovipa violonjundu. Va somehamo olomuangaluwa viaco.

ATENDELO 7:62

Ocito culu cekui liolosiekele, ce yuka insensu.

LUKA 1:10

Owiñi wosi womanu wa kala loku likutilila posamua, kola yinsensu.

VA ROMA 8:34

u o pisa elie? Kristu Yesu hẽ, u wa fa haeye wa pinduiwa kuava va fa, kuenje o kasi kondio ya Suku oku tu livondelelako, eye nga o pisa?

VA HEVERU 7:25

Oco, toke koloneke ka vi pui, Yesu o tẽla oku popela olumue ava va kokela ku Suku poku kolela Yesu, momo o kasi hũ lomuenyo oku va livondelelako.

VA HEVERU 9:4

Vohondo yaco yovokati mua kala ociyukilo culu cinsensu locikasa covisila ca lañiwa lulu kolonele viosi. Vokati kaco mua kala ombia yulu omu mua kapiwa mana, kuenda ombueti ya Arone yina ya yova, lovawe ocisila.

ESITULUILO 10:1

Oco nda mola ungelo ukuavo wa pama wa tunda kilu, wa wala elende, lo kutue waye kua kala olukongolo. Ocipala caye ca soka ndekumbi, lovolu aye a soka ndolongunji viondalu.

ESITULUILO 14:18

Kutala kua tunda vali ungelo ukuavo wa kala lomoko yoku viala ondalu. Eye wa vilikiya lolukandi ku-u wa kala lomila ya tua, hati, Imba omila yove ya tua. Ka tete ovisiakata viayuva o kilu lieve, momo ayuva aco a pia ciwa.

ESITULUILO 5:8

Eci a tambula ociña, oco oviendalomuenyo viaco vikuãla, lakulu vaco akui avali la vakuãla, va wila posi kovaso a Kameme, va kuete omunu ohalupa, omunu ohalupa, latiyela ulu e yuka insensu, o-o alombelo olosandu.

ESITULUILO 6:9

Eci a teya esitikilo liatãlo nda mola vemehi litutala ovilelembia viava va pondiwila ondaka ya Suku luvangi va imba.

ESITULUILO 7:2

Oco nda mola ungelo ukuavo wa tukuluka kutundilo, o kuete peka esitikilo lia Suku o kasi lomuenyo. Wa vilikiya lolukandi kovangelo vakuãla, vana va ihiwa omoko yoku nyõla ilu lieve lokalunga.

ESITULUILO 8:4

Owisi winsensu wa tunda peka liungelo kuenje wa londela kilu ku Suku kumue lolohutililo violosandu.

ESITULUILO 8:5

Oco ungelo wa nyañula ociyukilo, wa ci yukisa ondalu yokutala, yu wa cimba kilu lieve, kuenje kueya ovilemĩlo, lonjuvungo, loviliakulo, kuenda ondindimo.

ESITULUILO 9:13

Oco ungelo wepandu wa sika olumbeta luaye, kuenje nda yeva ondaka yimue ya tunda kolombinga vikuãla viutala wulu u kasi kovaso ya Suku.