ESITULUILO 7:3 - Embimbiliya - Bíblia Sagrada em Umbundu

³ Wa popia hati, Ko ka nyõli handi ilu lieve, pamue okalunga, pamue oviti, te tua kapa olondimbukiso via Suku yetu kovipolo viakuenje vaye.

ESITULUILO 7:3 Iomraidhean Croise

ETUNDILO 12:13

Osonde, oyo yu lingili ondimbukiso kolonjo omu vu kasi. Eci mõla osonde ndu lomboki, Kuenje ene lalimue efengi liu wili oku vu nyõla eci mbeta ofeka ye Egito.

ETUNDILO 12:23

Omo Yehova o pita oku nyõla va Egito. Leci a mõla osonde kocipamba lokovikuli vivali Yehova o pitahãla uvelo waco, ka tava okuti ocinyõi ciñila volonjo viene oku u nyõli.

ISAYA 27:8

Poku va tundisa loku va tuma kupãla oco a liyaka lavo. Wa vopako lofela yaye ya tema keteke liofela yokutakelo.

ISAYA 54:17

lacimue ocimãlẽho va ci telela oku yaka love ci ku linga cimue; kuenje o yula alimi osi a ku katukila vekanga. Eci oco ocipiñalo cakuenje va Yehova, kuenda esunga liavo lia tunda kokuange. Oco ca popia Yehova.

ISAYA 6:13

Ndaño onepa yekuĩ yi sialamo layovo yi timihiwa vali. Yi timihiwa ndocisingi cuti wulemba pamue wocinendele cina ci siala eci uti u timbuiwa. Ombuto yi kola oyo ocisingi caco.

ISAYA 65:8

Ca popia Yehova ceci, hati, Ndeci poku vanja ocisiakata cayuva omanu va lavoka ovinyu, kuenje vati, Ku ka ci nyõle momo mu kuete eci ci sumũluĩsa,— haico ndinga ame mekonda liakuenje vange, okuti si nyõli ocitumbulukila cosi.

ESEKIELE 9:4

Oco Ñala wa popia laye hati. Pita vokati kimbo, vokati ka Yerusalãi. Kapa ondimbukiso kolopolo viomanu va lisiõsiõla loku leñaila avĩho osi a lingaiwa vokati kalio.

ESEKIELE 9:6

Ipayi akongo, lakuenje lafeko, kuenda otumãla lakãi toke vu va kundula. Puãi omunu wosi o kasi londimbukiso ka vu ko lambi. Fetikili konjo yange yi kola. Kuenje va fetika lakulu va kala kovaso yonjo.

DANIELE 3:17

Nda oco, Suku yetu una tu vumbavumba o tẽla oku tu popela kelungulungu liondalu vofolono; kuenje haeye o tu popela peka liove, a Soma.

DANIELE 3:26

Oco Nevukandesa wama kuvelo wofolono ya tokota, yu wa popia hati, Ene a Sadrake la Mesake la Aved-Nego, wakuenje va Suku Tõlo, tundi, enjui. Oco Sadrake la Mesake la Aved-Nego va tunda vokati kondalu.

DANIELE 6:16

Oco Soma yu wa handeleka, kuenje va nena Daniele, yu vo wimba veleva liolohosi. Soma yu wa popia la Daniele hati, Suku yove, una o vumbavumba, a ku popele.

SOFONIYA 2:3

Sandi Yehova, ene ambombe vofeka, haene wukuakulinga ovihandeleko viaye. Sandi esunga lokuomboka. Mbi wu wundisiwi keteke lionyeño ya Yehova.

MALAKIYA 3:18

Eteke liaco vu kũlĩha vali oku tepisa pokati keci ciwa leci cĩvi, loku tepisavo pokati ku o vumba Suku lu ko vumbi.

MATEO 24:22

Kuenje, nda oloneke viaco ka via tepuluilue, nda lomue omunu o popeliwa, puãi oloneke viaco via tepuluilua ava va noliwa.

MATEO 24:31

O tuma ovangelo vaye londaka ya lua yolumbeta, kuenje vongolola ava vaye va noliwa tunde kolofela vikuãla, tunde kesulilo lilu toke kesulilo likuavo.

YOANO 12:26

Nda umue o mbumba, a ñuame, kuenje oko ñasi haiko u o mbumba a kala. Nda umue o mbumba Isia u sumbila.

YOANO 3:33

U o tava kuvangi waye eye wa likuminya okuti Suku ukuacili.

VA ROMA 6:22

Puãi cilo, omo wa yovuiwi kekandu kuenje wa lingi apika va Suku, oco onima yene okukola, kuenje esulilo liakuo omuenyo ko pui.

ESITULUILO 13:16

Kuenje vosi, ava vatito lava vanene, olohuasi lolosuke, omãla vamãle lovapika, ocinyama cavali ci kapisa ondimbukiso kovaka avo olondio pamue kovipolo,

ESITULUILO 13:17

okuti lomue o tẽla oku landa pamue oku landisa cimue te u o kuete ondimbukiso yokuti onduko yocinyama pamue o nũmero yonduko yaye.

ESITULUILO 14:1

Nda vanja vali kuenje nda mola Kameme o tãi komunda Siono. Ocita lakui akuãla la vikuãla kolohũlũkãi viava va kuete onduko yaye londuko ya Isiaye via sonehiwa kovipolo viavo va tãi kumue laye.

ESITULUILO 14:9

Ungelo ukuavo, watatu, wa va kuama, wa popia lolukandi hati, Nda umue o fendela ocinyama lociñumañuma caco, loku kapiwa ondimbukiso yaco kupolo, pamue peka,

ESITULUILO 19:2

momo olonimbu o tetulula viocili lesunga. Wa pisa ocipuepue cinene ca konyuisa ilu lieve lupuepue waco, haeye wa ci fetuluinyila osonde yovakuenje vaye.

ESITULUILO 20:4

Noke nda mola ovialo, kuenje kovialo viaco kua tumala ava va ihiwa omoko yoku tetulula. Nda molavo ovilelembia viava va topuiwa omo va imbila Yesu uvangi, kuenda va kolela ondaka ya Suku, haivo ka va fendelele ocinyama pamue ociñumañuma caco, kuenje ka va kapiwile ondimbukiso yaco kovipala viavo lo kovaka avo. Ovo va kuata vali omuenyo, kuenje va viala kumue la Kristu ohũlũkãi yanyamo.

ESITULUILO 22:4

Ovo va vanja vanja kocipala caye, londuko yaye yi kala kovipolo viavo.

ESITULUILO 6:6

Nda yeva pokati koviendalomuenyo viaco vikuãla cimue ca soka ndondaka ya linga yiti, Onjongo yotiliku yi landa osingu, lolonjongo, vitatu viosevata vi landa osingu, ulela loviniyu puãi ku ka vi nyõle.

ESITULUILO 7:1

Kovaso yovina evi nda mola ovangelo vakuãla, va talama kavindi akuãla okilu lieve, va tutuiya olofela vikuãla viokilu lieve, ndokuti layimue ofela vi sika kilu lieve, pamue kokalunga, pamue kuti umue.

ESITULUILO 7:2

Oco nda mola ungelo ukuavo wa tukuluka kutundilo, o kuete peka esitikilo lia Suku o kasi lomuenyo. Wa vilikiya lolukandi kovangelo vakuãla, vana va ihiwa omoko yoku nyõla ilu lieve lokalunga.

ESITULUILO 9:4

Kokuavio kua sapuiwa okuti ka vi ka nyõle owangu wokilu lieve, pamue cimue ci talala, pamue oviti, te omanu avandeti ka va kuete ondimbukiso ya Suku kovipõlo viavo.