ESITULUILO 3:8 - Embimbiliya - Bíblia Sagrada em Umbundu

⁸ hati, Nda kũlĩha ovilinga viove. Limbuka ndomo nda kapa kovaso ove epito li kasi upulule, hailio lomue o tẽla oku li yila. Nda kũlĩha okuti okangusu o kasi lako katito, haimo lumue, wa pokola kondaka yange, kuenje kua likalele onduko yange.

ESITULUILO 3:8 Iomraidhean Croise

OLOSAPO 30:9

Ndise okulia kua soka ño lame, sanga nda ñuta enene hu likala siti, Yehova helie?— pamue nda ndinga osuke, njiva, kuenje membuisa onduko ya Suku yange.

DANIELE 11:34

Eci va kupuka, va kuatisiwa naito; puãi valua va litokeka lavo lombambe.

LUKA 12:9

Puãi u o liñalela kovaso omanu, haeye o likalelua kovaso ovangelo va Suku.

YOANO 15:20

Ivaluki ondaka nda popia lene, siti, Ukuenje ka velipo okuti ñala yaye o sule. Nda va fũkĩlisa ame, ene vo fũkĩlisivo, nda va pokola kondaka yange va pokolavo kondaka yene.

YOANO 17:6

Nda situlula onduko yove komanu vana wopa voluali, yu wa va nyiha. Va kaile vove, kuenje wa va nyiha, yu va pokola kondaka yove.

OVILINGA 14:27

Eci va pitila, vongolola ekongelo kuenje va sapula cosi Suku a linga lavo, vati, Suku wa yuluila vakualofeka epito liekolelo.

I VA KORINDO 16:9

momo kua njulukila epito linene lioku linga upange wa lua, kuenje ava va tamalala va lua.

II VA KORINDO 2:12

Eci ndeya ko Torasi oku kunda ondaka yiwa ya Kristu, nda sanga epito lia njulukila vu Ñala.

VA FILIPOI 4:13

Nẽla ovina viosi vu Kristu u o ñolaisa.

VA KOLOSAI 4:3

Nda pingavo okuti vu tu likutilila etu, oku likutilila okuti Suku o tu yuluila epito lioku kunda ondaka, ha tu lombolola elumbu lia Kristu hailio ñasilili vokayike.

I TIMOTEO 5:8

Umue nda ka kuatisa vangandiaye, ca piãla vakuanjo yaye, ca lomboloka okuti wa likala etavo liaye, kuenje u ka tavele wo velapo.

II TIMOTEO 4:7

Nda yaka uyaki uwa. Oku yoloka nda mala. Koku tata ekolelo nde lipua.

YUDA 1:4

Momo omanu vamue va iñila ño vekongelo latutu. Episo liavo lia va sokiyiwila ale osimbu. Omanu vaco vakuakutomba Suku, haivo va pengisa ocali ca Suku yetu okuti ca va iha evelo lioku lingainga upuepue, kuenje va likala Yesu Kristu, eye lika Cime cetu, haeye Ñala yetu.

ESITULUILO 2:13

hati, Oku wa tunga nda kũlĩhako, okuti ko kuna ku kasi ocalo ca Satana. Ove o kasi londuko yange, letavo liange kua li nyemalele, ndaño poloneke viombangi yange Antipasi, haeye wa pandikisa lekolelo, una vo wipaila pokati kene kuna kua tunga Satana.

ESITULUILO 2:2

hati, Nda kũlĩha ovilinga viove, lupange wove, lepandi liove, lomo ku tẽla oku linala ciwa lolondingaĩvi, puãi wa nyika ava va litukola vati, Tuvapostolo, osimbu havapostoloko, kuenje wa sanga okuti olohembi.

ESITULUILO 22:7

Kuenje, tala, ndopo njiya. U o patekela olondaka viowanji welivulu eli wa sumũlũha.

ESITULUILO 3:1

Sonehela ungelo wekongelo lio ko Sardesi, huti, Ca popia u o kuete aspiritu epanduvali a Suku, lolombungululu epanduvali, ceci, hati, Nda kũlĩha ovilinga viove. O kuete onduko okuti o kasi lomuenyo, haimo lumue wa fa.

ESITULUILO 3:10

Ove, omo wa pokola eci nda ku kisika epandi, oco hu lava eci kuiya okunyikiwa kuna ku kasi loku iya kuosi kilu lieve, oku nyika ava va tunga kilu lieve.

ESITULUILO 3:15

hati, Nda kũlĩha ovilinga viove, okuti ndaño oku talala kua talalele, ndaño oku tokota kua tokotele. Nda wa talalele, pamue wa tokotele nda hise.

ESITULUILO 3:7

Sonehela ungelo wekongelo lio ko Filadélfia, huti, U o kola haeye ukuacili, haeye o kuete osapi ya Daviti, o yikulula kuenje lomue o yika, o yika kuenje lomue o yikulula, evi a popia vievi,