ESITULUILO 10:3 - Embimbiliya - Bíblia Sagrada em Umbundu

³ Wa vilikiya lolukandi lua lisoka ndohosi yi koma. Eci a vilikiya, oco ovilemĩlo epanduvali via lemĩla.

ESITULUILO 10:3 Iomraidhean Croise

OLOSAMO 29:3

Ondaka ya Yehova yi yevala kilu liovava. Suku yulamba wa lemila. Yehova yu kilu liovava akahandangala.

OLOSAPO 19:12

Onyeño yosoma ya soka ndokukumbakumba kuohosi, ocame caye ci kasi ndowume kowangu.

ISAYA 31:4

Momo ca popia lame Yehova ceci, hati, Ndeci ohosi pamue eyove liohosi li kumbila okulia kuayo, ka li yokokela onjuvungo pamue oku tilila onjuela yowiñi wovangombo u li tundila, haico Yehova Ukualohoka o loka oku yakela komunda ya Siono londundango yayo.

ISAYA 42:13

Yehova o tunda ndesualali, o yuka onyeño ndu enda kovita, o vilikiya, haeye o kaluka, o lipamisila ovanyãli vaye.

ISAYA 5:29

okukoma kuavo kua soka ndokukoma kuomange yohosi, va koma muẽle ndayove olohosi. Võla kuenje va kuata ohute, va yambata kuenje u o popela ka ku li.

YEREMIYA 25:30

Oco ove o va pisa lolondaka evi viosi. Oco popia lavo huti, Yehova kilu o kumba kumba, haiko a tumãla kocitumãlo caye ci kola loku popia ondaka yaye. O kumbila ocunda caye. Ndeci ava va kosa ayuva va kaloka, haico eye a kalukila olonungi viosi viokilu lieve.

ESEKIELE 10:5

Lonjuvungo yavava a vakeruvi ya yevala toke kocitali coposamua ndondaka ya Suku Ukuonenewosi eci a popia.

HOSEA 11:10

Va kuama Yehova kuenje eye o koma ndohosi. Ocili muẽle o koma, kuenje omãla vaye tunda kutakelo, veya loku luluma.

YOELI 3:16

Yehova o vilikiya ko Siono, haiye o yevalisila ondaka yaye ko Yerusalãi, kuenje ilu longongo vi lisenga. Puãi Yehova o lingila omanu vaye ocikolo, o linga ombonge yomãla va Isareli.

AMOSI 1:2

Wa popia hati, Yehova o kumba kumba vo Siono, o yevisa ocileñi condaka yaye vo Yerusalãi. Ovisenge viovangombo vi lisiõsiõla. Onumbuko ya Karameli yuvuka.

AMOSI 3:8

Ohosi ya kumba, helie ka yokoka? Suku Yehova wa popia, helie ka imbi owanji?

ESITULUILO 14:2

Oco nda yeva ondaka ya tunda kilu, ya setahala ocileñi covava a lua enene, pamue ondaka yocilemĩlo ca lua. Ondaka nda yeva ya soka nda vakualohalupa viavo.

ESITULUILO 15:1

Noke nda mola owima ukuavo kilu. Owima waco unene haiwo u komohisa. Ovangelo epanduvali vambata afengi epanduvali, hao a sulako, momo kokuao oko onyeño ya Suku ya tẽlisiwila.

ESITULUILO 15:7

Oco cimue koviendalomuenyo viaco vikuãla ca eca kovangelo vaco epanduvali atiyela epanduvali ulu, hao e yuka onyeño ya Suku o kasi lomuenyo oloneke vi enda ño-o hũ.

ESITULUILO 4:5

Kocalo kua tunda oviliakulo lonjuvungo lovilemĩlo. Ovimihi epanduvali viondalu via taimila kovaso yocalo ovio aspiritu epanduvali a Suku.

ESITULUILO 8:5

Oco ungelo wa nyañula ociyukilo, wa ci yukisa ondalu yokutala, yu wa cimba kilu lieve, kuenje kueya ovilemĩlo, lonjuvungo, loviliakulo, kuenda ondindimo.