EFETIKILO 9:2 - Embimbiliya - Bíblia Sagrada em Umbundu

² Ovinyama viosi viokilu lieve lolonjila viosi viovusenge viu yokokeli, viu lulumili, vi kundikiwa povaka ene kumue lovipuka viosi vi likoka posi, lolõsi viosi viovokalunga.

EFETIKILO 9:2 Iomraidhean Croise

EFETIKILO 1:21

Oco Suku wa sovola ovimuandu vinene viovokalunga loviendalomuenyo viosi vi litevateva, viosi via siata vovava ndapata avio; lolonjila viosi vi pãlala, ndapata avio. Suku wa ci mõla okuti ca posoka.

EFETIKILO 1:26

Suku wa linga hati, Tu luliki omunu ukuacilelembia cetu, ukuesetahãlo lietu hã ha viala kolõsi viovokalunga, lokolonjila viovusenge, lokovinyama viovimbo, lokoluali luosi kuenda kovipuka viosi vi likoka posi.

EFETIKILO 1:28

Suku wa va sumũlũĩsa. Suku wa va sapuila hati, Liciti, siati, yukisi oluali, lu yuli, viali kolõsi viovokalunga, lokolonjila viovusenge, lokovinyama viosi vi ñuala ñuala kilu lieve.

EFETIKILO 2:19

Yehova Suku wa tunga leve lioposi ovinyama viosi viovusenge, lolonjila viosi viovilu; yu wa vi nena kulume ha tali omo a vi luka; kuenje onduko ulume a luka layo ocendalomuenyo cosi, haiyo ya linga onduko yaco.

EFETIKILO 35:5

Osimbu va enda ungende wavo ocinjoko ca Suku ca kuata ovaimbo a lisungue lavo, okuti ka va landuile vali omãla va Yakoba.

EFETIKILO 9:1

Suku yu wa sumũluĩsa Noha lomãla vaye, wa popia lavo hati, Liciti, siati, yukisi oluali.

EFETIKILO 9:3

Cosi ci kasi lomuenyo ci ñuala ñuala ci linga okulia kuene; ndeci ndo wihili ale ovikũla vi talala haico cilo ndo wihi cosi.

YOVI 39:11

Ove hẽ, o yi kolela omo olohõlo viayo via lua? Weca kokuayo upange wove?

ESEKIELE 34:25

Kuenje ndi lisila lavio ocisila combembua. Nundisa vofeka ovinyama via tema okuti olomeme vi kala ciwa vakalasoko loku pekela vovisenge.

HOSEA 2:18

Eteke liaco hu inãlĩsa lovinyama viovusenge lolonjila viovilu kuenda evi vi yaila posi. Vofeka nyimũlamo ohonji losipata lovita. Hu tumãlĩsa ciwa oko kua koka.

OVISILA 26:22

Numisa pokati kene ocinyama covusenge cu pundi omãla vene, ci nyõla olongombe viene, cu lingisi vañamiñami, kuenje olonjila viene vi wunda.

OVISILA 26:6

Ngeca ombembua vofeka kuenje vu pekela ño pũ, lomue u saluisi. Ovinyama vi lumana ndi vi puisa vofeka, ndaño osipata ka yi piti vofeka yene.

TIAGO 3:7

Momo ci tava oku pokuisa ovinyama violombuto viosi, lolonjila viosi, lapuka osi, loviendalomuenyo viosi viovokalunga, kuenje via pokuisua ale lomunu,