EFETIKILO 8:20 - Embimbiliya - Bíblia Sagrada em Umbundu

²⁰ Noha yu wa tunga utala wa Yehova, kuenje wa nola kovinyama viosi via yela lokolonjila viosi via yela, ha lumbi ovilumba vioku pia elisi kutala.

EFETIKILO 8:20 Iomraidhean Croise

EFETIKILO 13:18

Oco Avirama wa sondolola ombalaka yaye, kuenje weya wa tumãla ketumba lioko Mamire li kasi vo Hevirone, haiko a tungila utala wa Yehova.

EFETIKILO 13:4

toke kuna kua kala utala a tungile tete; oko Avirama a likutilila ku Yehova.

EFETIKILO 22:2

Yu wa linga hati, Kuende lomõlove wongunga, Isake, una o sole; kuende laye kofeka ya Moriya, ko lumbe ocilumba coku pia elisi kilu liomunda yimue hu yi tukuila.

EFETIKILO 22:9

Va pitila okundeti Suku o sapuila. Avirahama wa tunga utala, wa kapako olohui, yu wa kuta omõlaye Isake, wo langeka kutala kilu liolohui.

EFETIKILO 26:25

Oco wa tungako utala, wa likutilila vonduko ya Yehova, wa tamuluilako ombalaka yaye. Haiko akuenje va Isake va fẽlela ocisimo.

EFETIKILO 33:20

Wa tungako utala, kuenje wo tukula hati, Suku eye suku ya Isareli.

EFETIKILO 35:1

Oco Suku wa popia la Yakoba hati, Katuka, lamanẽla ko Betele haiko o kala, haiko o tunga utala wa Suku, u wa ku tukulukilile eci wa tila Esau huvove.

EFETIKILO 35:7

Haiko a tunga utala, yu wa luka usenge waco onduko hati, Suku ya Betele, momo oko Suku a lisituluila kokuaye cina a tila huvaye.

EFETIKILO 4:4

Havele wa nenavo otunuñulu tumue tuocunda caye lulela watuo. Yehova wa sanjukila Havele locilumba caye;

EFETIKILO 7:2

Povinyama viosi via yela nolapo alume epanduvali, lolomange epanduvali; povinyama ka via yelele nolapo ño vivali vivali, ulume lomange yaco;

EFETIKILO 7:3

lolonjila viovusenge laviovo, alume epanduvali lolomange epanduvali, oku popela ombuto yavio kilu lieve liosi.

EFETIKILO 8:19

Ovinyama viosi lovipuka viosi lolonjila viosi, cosi ci ñuala ñuala kilu lieve, via tunda vocimbaluku ndapata avio.

YOVI 1:5

Eci oloneke viovipito via pua, oco Yovi wa tuma oku va piolisa. Oku pasuka ociteketeke, wa va lumbaila ovilumba vioku yoka, omõla ocilumba, omõla ocilumba, momo Yovi hati, Sanga omãla vange va linga ekandu kuenje va simãila Suku cimue cĩvi vovitima viavo. Oco Yovi a lingainga.

ETUNDILO 10:25

Kuenje Mose wa linga hati, Te o tuihavo evi viovilumba levi viokupia elisi ha tu vi lumbila Yehova suku yetu.

ETUNDILO 29:18

Ocitupi cosi o yoka kutala, oco ocilumba ca pia elisi ci kuete elemba li pepa, haico ocilumba covondalu coku Yehova.

ETUNDILO 29:25

Oco o vi tambula povaka avo oku vi yokela kutala kilu liocilumba ca pia elisi, ci linge elemba li pepa kovaso a Yehova; oco ocilumba covondalu coku Yehova.

ATENDELO 7:21

Onale locitupi comeme lokameme kulume ka kuete unyamo ovio via linga ocilumba coku pia elisi.

VA ROMA 12:1

A vamanji, ndu pingi lohenda ya Suku okuti weci atimba ene ndocilumba ci kasi lomuenyo, haico ci kola, kuenje ci sanjuisa Suku. Oco efendelo liene liocili.

VA HEVERU 13:10

Etu tu kuete utala umue wokuti, ava va lava otavernakulo ka va kuete omoko yoku liako.

I PETULU 2:5

Lene muẽle, lingi ndovawe a kuete omuenyo, okuti onembele y'Espiritu yi tungiwa lovawe aco. Vonembele yaco ene vu linga ovitunda vi kola, evi vi lumba ovilumba viespiritu, vina via sungulukila Suku, kuenje vi lumbiwa vonduko ya Yesu Kristu.

I PETULU 2:9

Ene puãi, vumbuto ya noliwa, haene vuvitunda viusoma, vufeka yi kola, vucikumba ca Suku, okuti vu lekisa ovilinga vi komohisa viona wo kovongi ho tundi vowelema, ha wivi kocinyi caye ci komohisa.