EFETIKILO 7:23 - Embimbiliya - Bíblia Sagrada em Umbundu

²³ Oviendalomuenyo viosi via kaile kilu lieve via kunduka, lomanu lovinyama viovimbo lapuka lolonjila viovusenge, via kunduka kilu lieve; kua siala lika Noha lava va kala laye vocimbaluku.

EFETIKILO 7:23 Iomraidhean Croise

EFETIKILO 6:17

Momo ame ndokisa kilu lieve etande liovava; nyõla oviendalomuenyo viosi vi kasi lefuimo liomuenyo vemẽhi lilu; cosi ci kasi kilu lieve ci fa.

EFETIKILO 8:18

Noha yu wa tundamo kumue lomãla vaye, lukãi waye, lakãi vomãla vaye.

YOVI 5:19

Eye o ku popela kolohali epandu, ndaño epanduvali lacimue cĩvi ci ku lamba.

OLOSAMO 91:1

U wa tunga vociwundilo ca Fũ eye o tumala vulembo wa Tõlo.

OLOSAMO 91:7

Ohulũkãi yi kupukila ponele yove, ekui liolohũlũkãi kondio yove, ove puãi, ka cu ku sangi.

OLOSAPO 11:4

Ukuasi ko sumũluisa keteke lionyeño, esunga puãi li popela kokufa.

MATEO 25:46

Kuenje ava va enda keyambulo ka li pui, puãi vakuesunga va enda komuenyo ko pui.

VA HEVERU 11:7

Noha, omo a kala lekolelo, oco eci a lunguiwila ovina ka via molehele handi, wa kuata ohele, yu wa angiliya ocimbaluku oku popela onjo yaye; oco wa pisa oluali kuenje wa linga kapiñala kesunga lina liya lekolelo.

I PETULU 3:20

Kosiahũlu koloneke via Noha, eci ovilelembia viaco ka via pokuile, oco epandi lia Suku lia talamela osimbu ocimbaluku ca tungiwa. Kuenje omanu vamue ño vatito, okuti ecelãla lika, va popeliwa kovava omo va kala kocimbaluku.

II PETULU 2:5

nda ka ecelele oluali luale puãi wa popela umue Noha haeye Ndaka wa sapula esunga, kuenje wa popelavo vakuavo epanduvali eci a nena etande koluali luava va tomba Suku,—

II PETULU 2:9

nda Suku wa linga ovina evi viosi, wa kũlĩha oku popela vakuaku sumbila Suku eci va nyikiwa, kuenda oku selekela vakuakandu eyambulo toke keteke liekanga,

II PETULU 3:6

Loluali lua kaile koloneke viaco lua nyõliwa lovava kuenje lua taka.