EFETIKILO 6:6 - Embimbiliya - Bíblia Sagrada em Umbundu

⁶ Oco Yehova Suku wa livela omo a lulika omunu kilu lieve; co vala vutima.

EFETIKILO 6:6 Iomraidhean Croise

EFETIKILO 6:7

Kuenje Yehova wa popia hati, Ndi nyõla omanu nda sovola oco va tunde kilu lieve; lomunu locinyama lapuka lolonjila viovusenge, cosi nda ci nyõla momo nda livela omo nda ci sovola.

II SAMUELE 24:16

Eci ungelo waco wolõla eka liaye ha nyõli Yerusalãi oco Yehova wa livela nda ka tumile ohali yaco. Wa popia lungelo wa kala pokati komanu oku va nyõla, hati, Kua pua. Liwekapo. Kotembo yaco ungelo wa kala kocisaselo ca Arawuna u Yevusi.

I ASAPULO 21:15

Suku wa tuma ungelo ko Yerusalãi ha yi nyõli. Eci a si oku yi nyõla, Yehova wa vanjako kuenje wa livela nda ka tumile ohali yaco. Wa popia lungelo una wa kala loku nyõla hati, Kua pua, liwekapo. Ungelo wa Yehova wa talama kocimbandi ca Orinane u Yevusi.

OLOSAMO 106:45

Wa va ivalukila ocisila caye. Koayeño yaye wa litiulamo mekonda liokulua kuocisola caye ka ci pui.

OLOSAMO 110:4

Yehova wa lisinga kuenje ka pongoloka, hati, Ove o linga ocitunda oloneke ka vi pui, ndeci ca linga Melikicedeke.

OLOSAMO 119:158

Nda vanja vakuevĩho kuenje ca mbala, momo ka va pokuile kondaka yove.

OLOSAMO 78:40

Olonjanja viñami hẽ, va tamalala laye vekalasoko loku u nyumalisa vekango?

OLOSAMO 81:13

Omanu vange nda va njeva! Isareli nda wa endela volonjila viange!

OLOSAMO 95:10

Akui akuãla kanyamo nda nyehula ocitumbulukila caco. Nda linga siti, Vovitima viomanu vaco muli lika oku lueya. Ka va kũlĩha olonjila viange.

ETUNDILO 32:14

Kuenje Yehova wa litiulamo kuvi una a simile oku linga omanu vaye.

ISAYA 48:18

Nda wa yevelile ovihandeleko viange! Nda ombembua yove nda ya lingile ndolui, kuenda esunga liove ndapuku okalunga;

ISAYA 63:10

Puãi vo ñualẽlãpo, kuenje va tatamisa Espiritu liaye li kola. Oco eye wa pongoloka, wa linga unyãli wavo, kuenje eye muẽle wa yãka lavo.

YEREMIYA 18:7

Nda eteke limue nukuila ofeka yimue pamue usoma umue siti, Ndi yi tukũla, ndi yi teya loku yi nyõla,

YEREMIYA 26:19

Hesekiya, Soma ya Yuda hẽ, pamue va Yuda vosi hẽ, vo wipa? Eye ka sumbile hẽ Yehova; ka fendelele hẽ Yehova, Yehova he ka liwekele kũvi a simile oku va linga? Etu hẽ, tu wenguila ovimuenyo vietu eci cĩvi?

ESEKIELE 33:11

Ndomo ñasi lomuenyo si sanjukila okufa kuondingãivi. Eci puãi sanjukila ceci, Nda ondingãivi yi tinduka konjila yaye ha yi kala lomuenyo. Apata lia Isareli, tinduki, tinduki kolonjila viene vĩvi. Vu fila nye?

HOSEA 11:8

A Efarimi, ndi litepa ndati love! Hu eca ndati, a Isareli! Nẽla ndati oku ku kundula ndeci nda linga la Adimah! Nẽla ndati oku linga love ndeci nda linga la Cevoyi! Utima wange ka u tava, ohenda yange yi tumbuluka loku omboka.

YOELI 2:13

Ko ka toli vali olonanga, toli puãi itima. Pongolokeli ku Yehova, Suku yene, momo eye ukuahenda haeye ukuacikembe, o livala konyeño, otembo yosi o kasi locisola ka ci pongoloka, kuenda kocisimĩlo coku nyõla o liwekako.

YONA 3:10

Eci Yehova a mõla ndomo va linga okuti va pongoloka kevĩho liavo oco wa litiulamo, ka lingile ndeci a sokiyile oku va yambula.

MALAKIYA 3:6

Omo ame ndi Yehova si pongoloka, oco ene, amãlã va Yakoba, ka wa nyõlẽhẽlẽli.

ATENDELO 23:19

Suku hamunuko okuti o kemba, pamue omõla omunu okuti o pongoloka. Eci a popia ka ci lingi hẽ?

VA ROMA 11:29

Momo oviali via Suku lekovongo liaye ka li pongoloka.

VA EFESO 4:30

Ko ka sumuisi Espiritu Sandu lia Suku. Eye muẽle ondimbukiso yo kapelui eteke lieyovo liene.

ESINUMUĨLO 32:29

Nda va kaile lolondunge, eci cosi nda ca va lomboloka, nda va limbuka ocili efulilo liavo.

ESINUMUĨLO 32:36

Momo eci Yehova a mõla okuti unene wavo wa pua, leci a mõla okuti ka pa va supila ndaño umosi, ci kale upika, ci kale omamale, oco Yehova o tetuluila omanu vaye, kuenje o linga akuenje vaye ohenda.

ESINUMUĨLO 5:29

Nda va kuata utima woku sumbila loku lava ovihandeleko viange viosi oloneke viosi, nda ciwa, nda ovo lomãla vavo va kala ciwa olotembo viosi!

VA HEVERU 3:10

Oco nda temelele ocitumbulukila caco. Nda popia siti, Va lueya lueya ño lovitima viavo. Ka va kũlĩhile olonjila viange.

VA HEVERU 3:17

Ava a temelele akui akuãla kanyamo velie? Havanako hẽ, va lingile akandu, latimba avo a kupukila vekalasoko?

TIAGO 1:17

Ocali cosi ciwa longavelo yosi ya kanguka via tunda kilu, ku Isia yovinyi. Kokuaye ka kuli oku pongoloka ndaño okuñualapo ku nena undembo.

I SAMUELE 15:11

Nda livela omo nda nola Saulu oku linga osoma, momo wa liweka oku ñuama loku pokola kovihandeleko viange. Samuele yu wa tema kuenje wa likutilila ku Suku uteke wosi.

I SAMUELE 15:29

Kuenda vali Ulamba wa Isareli ka kembi ndãño oku pongoloka, momo eye hamunuko okuti o pongoloka.

I SAMUELE 15:35

Samuele ka muĩle vali Saulu toke keteke liokufa kuaye, haimo Samuele wa sumua oku sokolola Saulu. Kuenje Yehova wa livela omo wa nola Saulu ha lingi osoma ya va Isareli.