EFETIKILO 5:29 - Embimbiliya - Bíblia Sagrada em Umbundu

²⁹ wo luka Noha ca lomboloka Elembeleko, hati, Eye o tu kuatisa okuti posi yina Yehova a siñala pa tunda elembeleko liokupange wovaka etu.

EFETIKILO 5:29 Iomraidhean Croise

EFETIKILO 5:28

Eci Lameke a kala locita lakuĩ ecelãla kanyamo kanyamo avali, oco a cita omõla ulume,

EFETIKILO 5:30

Eci a cita Noha eye Lameke wa kala vali lomuenyo ovita vitãlo lakui ecea kanyamo kanyamo atãlo, yu wa cita cita omãla valume lomãla vakãi.

EFETIKILO 7:23

Oviendalomuenyo viosi via kaile kilu lieve via kunduka, lomanu lovinyama viovimbo lapuka lolonjila viovusenge, via kunduka kilu lieve; kua siala lika Noha lava va kala laye vocimbaluku.

EFETIKILO 9:24

Noha yu wa koluluka kuholua wovinyu viaye, kuenje wa limbuka eci co linga omõlaye umãlẽhe.

ISAYA 54:9

Ci kasi lame ndeci koloneke via Noha. Momo ndeci nda lisila siti, Ovava a Noha ka a tuvika vali ongongo, haico nda lisila okuti, si ku temẽla vali, si ku lemẽla.

ESEKIELE 14:14

ndaño ovalume vana vatatu, okuti Noha la Daniele la Yovi, nda va kaile vokati kavo nda va popela lika ovimuenyo viavo muẽle mekonda liesunga liavo. Oco ca popia Yehova Suku.

ESEKIELE 14:20

ndaño Noha, la Daniele, la Yovi, nda va kaile vokati kayo, ndomo ñasi lomuenyo, nda ka va popelele omõla ulume ndaño omõla ukãi. Ovo lika va popelua mekonda liesunga liavo. Oco ca popia Yehova Suku.

MATEO 24:37

Ndeci ca kaile koloneke via Noha haico ci kala eci Mõlomanu a tukuluka.

LUKA 3:36

omõla a Kainana, omõla a Aliufasiate, omõla a Seme, omõla a Noa, omõla a Lameke,

VA ROMA 8:20

Momo ovina via lulikiwa via tiamisua kuveke, ha locipango cavio ko, te locipango cu wa vi tiamisako.

VA HEVERU 11:7

Noha, omo a kala lekolelo, oco eci a lunguiwila ovina ka via molehele handi, wa kuata ohele, yu wa angiliya ocimbaluku oku popela onjo yaye; oco wa pisa oluali kuenje wa linga kapiñala kesunga lina liya lekolelo.

I PETULU 3:20

Kosiahũlu koloneke via Noha, eci ovilelembia viaco ka via pokuile, oco epandi lia Suku lia talamela osimbu ocimbaluku ca tungiwa. Kuenje omanu vamue ño vatito, okuti ecelãla lika, va popeliwa kovava omo va kala kocimbaluku.

II PETULU 2:5

nda ka ecelele oluali luale puãi wa popela umue Noha haeye Ndaka wa sapula esunga, kuenje wa popelavo vakuavo epanduvali eci a nena etande koluali luava va tomba Suku,—