EFETIKILO 49:22 - Embimbiliya - Bíblia Sagrada em Umbundu

²² Yosefe eye ocanja cimaima epako, ocanja cimaima epako konele yono. Ovianja viawo vi yandela kocimbaka.

EFETIKILO 49:22 Iomraidhean Croise

EFETIKILO 41:52

Omõla wavali wo luka Efarimi hati, Momo Suku wa nyimisila epako vofeka yohali yange.

EFETIKILO 46:27

Omãla va Yosefe, ava a citila ve Egito, vavali. Omanu vosi vonjo ya Yakoba veya ke Egito va tẽla akui epanduvali.

EFETIKILO 48:1

Kovaso yaco va sapuila Yosefe vati, Ota, so o vela. Yu wa endako lomãla vaye vavali, Manase la Efarimi.

EFETIKILO 48:15

Yu wa sumũluisa Yosefe hati, Suku una olosekulu viange Avirahama la Isake via endaila volonjila viaye, haeye Suku wa songuila omuenyo wange wosi toke ketaili lilo,

EFETIKILO 48:16

haeye ungelo wa njovola kevĩho liosi, eye a sumũluise amãlehe ava; londuko yange yi tumbuluiwe lavo, ndaño olonduko violosekulu viange, Avirahama la Isake. Va linga muẽle owiñi kilu lieve.

EFETIKILO 48:5

Cilo omãla vove vavali valume wa citila vofeka ye Egito osimbu sieyile kokuove ke Egito, omãla vange muẽle. Efarimi la Manase va linga omãla vange nda Ruvene la Simeone.

EFETIKILO 49:23

Vakualohonji vo yambula enene, vo wasa lovisongo, vo fukĩlisa.

OLOSAMO 128:1

Vosi va sumbila Yehova loku endaila volonjila viaye, va sumũlũha.

OLOSAMO 128:3

Vonjo yove ukãi wove o linga nduti wimaima ayuva. Omãla vove va linga ndomeko yoliveira. Va ñuala omesa yove.

OLOSAMO 80:10

Olomunda via sitikiwa lundembo wawo. Ovianja viawo via sikĩlĩla oviti vinene violo-cedro.

ESEKIELE 19:11

Olunavi lua wo lua velapo koku pama lua linga epangati liosoma. Lua kala kilu pokati kovianja via pulika, kuenje lua mõleha kilu pokati kovianja viawo via lua.

HOSEA 13:15

Ndaño o kũla ciwa ndoloneva, haimo ofela ya Yehova yi tunda kekango li kasi kutundilo, yiya. Ono yaye layovo yi kukuta letumu liaye li takata. Ofela yaco yi nyõla ukuasi wovikuata viaye viosi via posoka.