EFETIKILO 49:10 - Embimbiliya - Bíblia Sagrada em Umbundu

¹⁰ Ombueti yonanelo ka yi tundi ku Yuda, ndaño onganji kovitumbulukila viaye, toke Ukuambembua iya, kuenje omanu va pokola kokuaye.

EFETIKILO 49:10 Iomraidhean Croise

II SAMUELE 7:13

Eye o tungila onduko yange onjo, lame numalisa hũ uviali waye,

II SAMUELE 7:16

Epata liove luviali wove vi kolisua kovaso ange otembo ka yi pui. Omangu yove yi tumãla hũ otembo ka yi pui.

I ASAPULO 12:24

Va Yuda, vambata ociyepelo lonjelia, va soka olohũlũkãi epandu lovita ecelala kalume va malehela ovita.

I ASAPULO 12:39

Yu va kalako la Daviti oloneke vitatu loku lia loku nyua, momo vakuavo va va angiliyilile ovilia.

OLOSAMO 108:8

Gilati yange. Manase yange. Efarimi ombindikiyo yutue wange. Yuda epangati liange.

OLOSAMO 60:7

Gilati yange, Manase yange. Efarimi ombindikiyo yutue wange. Yuda epangati liange.

OLOSAMO 60:9

O mitisa vimbo lia malehisua helie? O songuila ke Edome helie?

OLOSAMO 78:68

wa nola puãi epata lia Yuda, lomunda Siono yina a sole.

ISAYA 11:10

Eteke liaco olumbombo lua Jese lu linga ndepandela ku vakualofeka. Olofeka vi lipungikila kokuaye, kuenje ocitumãlo caye ci linga culamba.

ISAYA 2:2

Ci kala okuti koloneke viesulilo omunda yonjo ya Yehova yi velapo koku lepa pokati kolomunda viosi, yi pitahãla ovivulu; kuenje omanu volofeka viosi volumũhĩlako.

ISAYA 33:22

Momo Yehova eye onganji yetu haeye ombiali yetu. Yehova eye Soma yetu, eye o tu popela.

ISAYA 42:1

Tala ukuenje wange u ndu vetatela, onoliwe yange, utima wange wo sanjukila. Ndo wĩha Espiritu liange, eye o longisa olofeka esunga.

ISAYA 55:3

Kulula etũi liove, enju kokuange; yeva oco utima wove u kale lomuenyo. Ndi lisila love ocisila ka ci pui ndocisila cocisola ka ci pongoloka nda lisila la Daviti.

ISAYA 60:1

Votoka, tua, momo ocinyi cove ceya, kuenje ulamba wa Yehova wa ku tuila.

ISAYA 62:11

Yeveleli, Yehova wa imba oluiya toke kasulilo okilu lieve, hati, Popi lomõla a Siono ukãi hoti, Tala, eyovo liove liya; tala, onima yaye yi kasi laye, kuenje upange waye wenda kovaso aye.

ISAYA 9:6

Momo omõla wa tu citilua, omõla ulume wa tu ĩhĩwa, kuenje uviali u kala kovitãi viaye. Onduko yaye, o tukuiwa Cikomo, Ndunguli, Suku Eye Fũ, Isia kapui, Soma yombembua.

YEREMIYA 30:21

Usongui wavo o tunda muẽle pokati kavo. Ndaño ombiali yavo yi tunda pokati kavo. Ame muẽle ndu koka okuti iya ocipepi, o kokela muẽle ocipepi lame. Momo nda hacoko, elie o lukuta oku amẽla kokuange? Oco ca popia Yehova.

YEREMIYA 33:26

oco nakumũla ombuto ya Yakoba leyi yukuenje wange Daviti, kuenje si nõli umue kombuto yaye ha lingi ombiali yombuto ya Avirahama, kuenda Isake, kuenda Yakoba. Momo numbulula esumũlũho liavo kuenje ndi va linga ohenda.

ESEKIELE 19:11

Olunavi lua wo lua velapo koku pama lua linga epangati liosoma. Lua kala kilu pokati kovianja via pulika, kuenje lua mõleha kilu pokati kovianja viawo via lua.

ESEKIELE 19:14

Kuenje volunavi luawo mua tunda ondalu ya nyola ovianja viawo lapako awo, okuti ka kua siale olunavi lua pama lu linga epangati liosoma. Oko oku lisiõsiõla kua lisiõsuĩwa.

ESEKIELE 21:27

Ndi li nyõla. Ndi li nyõla. Ndi li nyõla muẽle pe. Ka ku siala ndaño ocima toke kuiya u cu sesamela kuenje ndi ceca kokuaye.

ESEKIELE 21:32

O linga olohũi viondalu. Osonde yove yi kala vokati kofeka, ku ivalukiwa vali; momo ame ndi Yehova ame nda popia.

DANIELE 9:25

Oco kulĩha yapa, limbuka okuti tunde poku handeleka oku tumbulula loku tunga Yerusalãi toke pokuiya kua Mesiya, haeye Soma, pa kala olosemana epanduvali kuenda olosemana akũi epandu la vivali. Li tumbuluiwa kumue lolokololo viaco loluvila lua ñuala imbo, puãi kotembo yimue yohali.

HOSEA 11:12

Efarimi, ame wa ñualĩsa luhembi, lepata lia Isareli lia ñualisa lelimbi. Yuda puãi, lopo wa kũlĩhĩwa la Suku haeye wa sunguluka ku U o kola.

MIKA 5:1

Amõla a Siono ukãi, ongolola olohoka. Va tu ñuala ocingonja; va veta ketama liombiali ya Isareli lombueti.

HAGAI 2:7

Ndi tuñunya olofeka viosi okuti kuiya ovina via velapo vi tunda kolofeka viosi, lame njukisa onjo yilo lulamba. Oco ca popia Yehova Ukualohoka.

SAKARIYA 10:11

Va pita vokalunga ke Egito, lakimba okalunga a tepiwa. Lalondo olui Nilu a takata. Epela lia va Asuria li liweka, kuenda uviali we Egito wimũha.

SAKARIYA 2:11

Eteke liaco vakualofeka via lua vongolokela ku Yehova. Va linga omanu vange kuenje ame numãla vokati kove.

ATENDELO 21:18

ocisimo ca fẽla olosoma. Olombuale viomanu via ci fẽla lapangati kuenda olombueti viavo. Eci va tunda kekalasoko va enda ko Matana.

ATENDELO 24:17

Ndu mõla puãi handopuiloko. Ndu vanja puãi hacipepiko. Olumbungululu lu tunda ku Yakoba. Epangati liosoma li katuka vi Isareli. Li veta kutue wa Moavi, kuenje li nyõla omanu vaco vosi vakuakulituna.

ATENDELO 24:19

Yakoba o yula ovanyali vaye, ndaño ocisupe covovaimbo anene o ci kundula.

MATEO 1:21

kuenje o cita omõla ulume, u luka Yesu momo eye o popela omanu vaye kakandu avo.

MATEO 17:5

Osimbu a kala loku popia elende lia nina lia va sikilila; kuenje tala, velende mua tunda ondaka yiti, U, Omõlange wa soliwa, haeye nda sanjukila. U yeveleli.

MATEO 21:9

Kuenje owiñi wo pitila kovaso lu wo kuama konyima, vosi va vilikiya vati, Hosana ku Mõla a Daviti. U iyilila onduko ya Ñala a sivayiwe! Kilu va vilikiyevo, vati, Hosana.

MATEO 25:32

Kuenje olofeka viosi vi kongelua kokuaye. Oco omanu vaco o va tepa pokati okuti va likaila, ndeci ungombo a tepa olomeme lolohombo.

YOANO 12:32

Kuenda ame, eci nulikua kilu lieve, ñokela omanu vosi kokuange.

YOANO 18:31

Oco Pilato wa popia lavo hati, Kuendi laye ene muẽle, ko tetuluili lovihandeleko viene. Va Yudea va popia laye vati, Etu ka tu tẽla oku ipa omunu.

YOANO 19:12

Tunde opo Pilato wa seteka oku u kutulula, puãi va Yudea va vilikiya vati, Nda o kutulula omunu u, kukamba lia Kaisareko. Wosi o litukula hati, Ndisoma, o linga ocisuanji ca Kaisare.

YOANO 19:15

Oco va vilikiya vati, A ipaiwe, a ipaiwe u valela kekulusu. Pilato wa popia lavo hati, Anga, mbalela osoma yene kekulusu? Ovitunda vinene via kumbulula viti, Ka tu kuete osoma yikuavo, te Kaisare.

YOANO 9:7

kuenje wa popia laye hati, Kuende, ka puse vociva ca Siloma, ca lomboloka citi, Catumiwa. Oco wa ka pusile yu wa tiuka, o lete.

VA ROMA 15:12

Kuenda vali Isaya wa linga hati, Ocikoti ca Jese ciya. Vakualofeka va lavokaila ku o katuka oku viala vakualofeka.

II VA KORINDO 5:10

Momo vosi tu laika oku iya kekanga lia Kristu ha tu tambula eci ca sesamela ovilinga vietu, ci kale ciwa, ci kale cĩvi, okuti omunu omunu o tambula ndovilinga viaye vina a linga osimbu a kala vetimba.

ESINUMUĨLO 28:57

ula waye u pita pokati kolomãi viaye. O va limilavo omãla vaye a cita kuenje o va takĩla uyombeki. Momo vocingonja lelamba ovanyãli vove va ku sipata lavio vovaimbo ove osi lacimue co sialelapo.

VA HEVERU 7:14

Momo ca kũlĩhiwa okuti Ñala yetu wa tunda ku Yuda, kuenje Mose ka la tukuila epata liaco upange wutunda.

ESITULUILO 11:15

Oco ungelo wepanduvali wa sika olumbeta, kuenje kilu kua yevala olondaka vinene, viti, Uviali woluali wa linga uviali wa Suku yetu kuenda wa Kristu waye. Eye o viala oloneke vi enda ño-o hũ, ka vi pui.