EFETIKILO 49:1 - Embimbiliya - Bíblia Sagrada em Umbundu

¹ Yakoba yu wa kovonga omãla vaye, wa popia lavo hati, Liongololi okuti ndu sapuili eci cu sangi kovaso.

EFETIKILO 49:1 Iomraidhean Croise

OLOSAMO 105:15

hati, Ko ka lambi kolombuavekua viange. Ko ka lingisi ovaprofeto vange.

OLOSAMO 25:14

Ukamba wa Yehova u kasi lava vo sumba. Ohuminyo yaye o va yi longaisa.

ISAYA 2:2

Ci kala okuti koloneke viesulilo omunda yonjo ya Yehova yi velapo koku lepa pokati kolomunda viosi, yi pitahãla ovivulu; kuenje omanu volofeka viosi volumũhĩlako.

ISAYA 22:14

Yehova Ukualohoka wa lisituluila kokuange, hati, Ocili, ekandu eli ka liu wecelui toke vu fa. Oco ca popia Ñala Yehova Ukualohoka.

ISAYA 39:6

Tala, kuiya eteke okuti cosi ci kasi vonjo yove, kuenda cosi ca soleka olosekulu viove toke etali lilo, ci tualiwa ko Bavulono, lacimue ci siala. Oco ca popia Yehova.

ISAYA 48:14

Ene vosi, liongololi ho yevelela! Helie pokati kene wa sapula ovina evi? Yehova u sole, eye muẽle Kuro, o linga ocipango caye la Bavulono, okuokuo kuaye ku pokuisa va Kaldea.

ISAYA 53:1

Helie wa kolela eci tua yeva? Okuokuo kua Yehova kua lekisua kulie?

YEREMIYA 23:20

Onyeño ya Yehova ka yi tiukamo te wa linga loku telisa ocipango cutima waye. Koloneke viesulilo cosi ci vu lomboloka ciwa.

DANIELE 10:1

Kulima watatu wa Kuro, Soma ya va Persia, ondaka yimue ya situluiwa ku Daniele, una wa lukiwa Beltesiatare. Ondaka yaco yocili, yi tukula ovita vinene. Ondaka yaco yo lomboloka kuenje wa kala lukulĩhĩso wocinjonde caco.

DANIELE 10:14

Kaliye ndeyilila oku ku limbukisa evi vi sanga epata liove koloneke viesulilo. Momo ocinjonde eci ci tiamẽla handi koloneke viaco.

DANIELE 2:47

Soma yu wa popia la Daniele hati, Ocili Suku yene eye Suku yolosuku, haeye Nala yolosoma, haeye Ukuakusitulula alumbu, omo ove wa tẽla oku situlula elumbu elindeti.

AMOSI 3:7

Ocili, Ñala Yehova ka lingi cimue te tete o situlula ocisimĩlo caye kovakuenje vaye ovaprofeto.

MIKA 4:1

Koloneke via sulako ci kala okuti omunda yonembele ya Yehova oyo yi lepa, olomunda viosi vikuavo vi sule. Koku lepa yi pitahãla oviwulu viosi, kuenje owiñi womanu wamẽla kokuayo.

ATENDELO 24:14

Kaliye ngenda komanu vange. Njevelele, hu sapuila ndeci omanu vaco va linga lomanu vove koloneke viya.

LUKA 2:26

Co situluilua le Espiritu Sandu okuti ka moli okufa te tete wa mola Mesiya ya Ñala.

OVILINGA 2:17

Suku hati, Koloneke vi sulako, ndi sukumuila Espiritu liange komanu vosi. Omãla vene valume lomãla vene vakãi va imba owanji. Amalehe vene va mola ovinjoinjoi, lolosekulu viene vi lota olonjoi.

ESINUMUĨLO 31:12

Ongolola omanu vosi, okuti alume lakãi lomãla, lovingendeleyi vi kasi vovaimbo ove, okuti va yevelela loku lilongisa oku sumbila Yehova, Suku yene, kuenje va panga oku tẽlisa lutate olondaka viosi viocihandeleko cilo.

ESINUMUĨLO 4:30

Eci vu kasi ale kohali okasimbu kuenje ovina evi viosi vio veti oco vu tiukila ku Yehova, Suku yene, kuenje vu yeva ondaka yaye.

I TIMOTEO 4:1

Cilo Espiritu li popia longusu, halatatahãiko, liti, Kotembo yesulilo vamue va konyoha ketavo ha va yevelela kaspiritu uhembi lo kovilongua vieliapu.

II TIMOTEO 3:1

Puãi, limbuka eci okuti, koloneke via sulako kuiya otembo yohali.

VA HEVERU 1:2

Koloneke vilo via sulako puãi, wa popia letu l'Omõlaye, una a nola ha lingi kapiñala kovina viosi, haeye a lulika laye oluali.

VA HEVERU 13:1

Ocisola coku lisola pokati nda vamanji camameko.

ESITULUILO 4:1

Kovaso yovina evi nda vanja vali kuenje tala, kilu ku kasi epito liupulule. Londaka yina yatete, yina nda yeva loku popia lame, huti ño ondaka yolumbeta, oyo ya popia lame, yiti, Londela kulo, kuenje hu lekisa eci ci lingiwa kovaso yovina evi.