EFETIKILO 48:7 - Embimbiliya - Bíblia Sagrada em Umbundu

⁷ Momo eci nda tunda ko Padana oco Rahele wa fila vofeka ya Kanana konjila eci pa kamba ño naito oku pitila ke Efarata. Ndo kenda kuna konjila yo ke Efarata, haiko ko Beteleme.

EFETIKILO 48:7 Iomraidhean Croise

EFETIKILO 25:20

Isake wa tẽla akui akuãla kanyamo eci a kuẽla ukãi waye Rebeka, omõla a Betuele u Arama, kuna ketapi lia Arama, mukãi wa Lavane u Arama.

EFETIKILO 33:18

Eci a tunda ketapi lia Arama oco Yakoba wa pitila lombembua kimbo lia Sekeme vofeka ya Kanana. Wa tunga ocilombo konẽle yimbo.

EFETIKILO 35:20

Yakoba wa katula ongunji keyambo liaye; ongunji yaco haiko yi li keyambo lia Rahele toke etali lilo.

EFETIKILO 35:9

Suku wa tukuluka vali ku Yakoba eci a tunda ketapi lia Arama kuenje wo sumũluisa.

EFETIKILO 48:6

Omãla vove o va cita kovaso yavo ovo vove. Va tukuiwa londuko yavamanjavo kocipiñalo cavo.

MIKA 5:2

Puãi ove, a-Beteleme Efarata, ove o sule pokati kapata a Yuda, kokuove ku nundila u o linga ombiali ya Isareli. Ocikoti caye ca tunda kosiãhũlu, koloneke viale.

MATEO 2:18

Ondaka yokulila lokulisiõsiõla kua lua ya yevalela vo Rama. Rahele o lila omãla vaye, ka tava oku lembiwa momo omãla vaye kavemo.

RUTI 1:2

Onduko yulume waco Elimeleke; onduko yukãi waye eye Naomi; olonduko viomãla vaye vavali valume, Maheloni la Kiliyone; vimbo liavo ve Efarata lia Beteleme-Yuda. Ovo va enda kofeka ya Moavi, oko va tunga.

I SAMUELE 1:1

Ko Rama Sofi, kolomunda vi Efarimi kua kala ulume, onduko yaye Elikana, omõla a Yerohama, omõla a Elihu, omõla a Tohu, omõla a Sufe, eye u Efarimi.

I SAMUELE 10:2

Etaili, eci o tunda kokuange, peyambo lia Rahele vo Selisa, vofeka ya Benjamini, o ka sangapo alume vavali. Va ka popia love vati, Ovimbulu wa kala loku vanjiliya via molẽha. Cilo so ka kuatele vali ovimbulu ohele, o ku kuatela ove ohele hati, Omõlange hẽ, ndinga ndati siu sangi?

I SAMUELE 16:4

Samuele wa linga eci Yehova a popia kuenje weya ko Beteleme. Akulu vimbo veya oku wupilila loku luluma, vati, Weya lombembua?

I SAMUELE 17:12

Daviti eye wa kala omõla wu Efirata umue u Beteleme yovo yudea, onduko yaye Jese. Wa kala lomãla valume ecẽlãla. Voloneke via Saulu eye wa kukale, anyamo aye a lua.