EFETIKILO 48:5 - Embimbiliya - Bíblia Sagrada em Umbundu

⁵ Cilo omãla vove vavali valume wa citila vofeka ye Egito osimbu sieyile kokuove ke Egito, omãla vange muẽle. Efarimi la Manase va linga omãla vange nda Ruvene la Simeone.

EFETIKILO 48:5 Iomraidhean Croise

EFETIKILO 46:20

Yosefe kofeka ye Egito wa citilako Manase la Efarimi avandeti Asenate omõla a Potifera ocitunda ca Oni wa va cita laye.

EFETIKILO 48:1

Kovaso yaco va sapuila Yosefe vati, Ota, so o vela. Yu wa endako lomãla vaye vavali, Manase la Efarimi.

EFETIKILO 48:6

Omãla vove o va cita kovaso yavo ovo vove. Va tukuiwa londuko yavamanjavo kocipiñalo cavo.

OLOSAMO 77:16

Ovava a ku mõla, a Suku. Ovava a ku mõla, a kuata usumba. Alondo laovo a luluma.

ISAYA 43:1

A Yakoba! A Isareli! Ca popia Yehova u wa ku lulika haeye wa ku sovola, ceci, hati, Ku ka yokoke, momo nda ku yovola; nda ku tukula londuko, wa linga wange.

ESEKIELE 16:8

Eci nda ku pita loku ku vanja, tala otembo yove ya kala otembo yoku soliwa. Nda ku nyanyumuĩla onanga yange hã si sikĩlĩla etimba liove. Oco nda lisila love loku lisinga love, kuenje wa linga wange, Oco ca popia Yehova Suku.

ESEKIELE 47:13

Ca popia Ñala Yehova ceci, hati, Olongave vu liaveli lavio ofeka yocipiãlo pokati kapata ekũi lavali a Isareli, vievi: Yosefe o tambula olonepa vivali.

OVISILA 20:26

Oco ene wu linga vange, wu kola, momo ame ndi Yehova ñola, ndo tepisi kolofeka ho lingi vange.

MALAKIYA 3:17

Yehova Ukualohoka wa popia hati, Va linga vange, vange muẽle, eteke ñatuka. Ndi va popela ndeci onjali yi popela omõlãye u vumba.

ATENDELO 1:10

Komãla va Yosefe, ke Efarimi, Elisiama, omõla a Amihudu. Ko Manase, Gamaliyele, omõla a Pedacuru.

II VA KORINDO 6:18

ndinga Isiene, lene vu linga omãla vange valume lomãla vange vakãi. Oco ca popia Ñala Suku Tõlo.

VA EFESO 1:5

Suku wa tu nola locisola caye kuenje wa panga ale okuti tu linga omãla vaye la Mitakati Yesu Kristu.

VA HEVERU 11:21

Yakoba, omo a kala lekolelo, oco eci a kala lokufa, wa sumũlũisa omãla va Yosefe, omõla omõla, kuenje wa fendela loku kũlãmela kombueti yaye.

YEHOSUA 13:7

Oco kaliye, tepela ofeka eyi apata ecea lonepa yepata ya Manase, ha yi lingi ocipiñalo cavo.

YEHOSUA 14:4

Omala va Yosefe, Manase la Efarimi va linga apata avali. Va Lewi ka va va ihile onele vofeka, te lika ovaimo oku tumalamo, kumue lovisenge viao, muna mua kala oviunda viavo levi va fuka.