EFETIKILO 48:10 - Embimbiliya - Bíblia Sagrada em Umbundu

¹⁰ Ovaso a Isareli a vuvula omo a kuka, ka tẽla vali oku vanja. Oco Yosefe wa vamisa kokuaye, kuenje eye wa va kuata loku va sipula.

EFETIKILO 48:10 Iomraidhean Croise

EFETIKILO 27:1

Eteke limue eci Isake a kuka, lovaso aye a vuvala okuti ka lete vali, oco wa pañinya Esau onuñulu yaye, wa popia laye hati, Amolange! eye wo tambulula hati, Ame ulo.

EFETIKILO 27:27

Kuenje wo wama, wo sipula, yu wa yeva elemba liuwalo waye, wo sumũluisa hati, Tala, elemba liomõlange lia soka ndelemba liusenge Yehova a sumũluisa!

EFETIKILO 31:55

Lavane wa pasuka omẽle ociteketeke, wa sipula olonekulu viaye, lomãla vaye vakãi, keunje wa va sumũluisa. Eci a ci linga oco Lavane wa votoka, wa enda koliaye.

EFETIKILO 45:15

Yosefe wa sipula vahuvaye vosi loku va lilila, kuenje vahuvaye va vangula laye noke.

EFETIKILO 48:11

Isareli wa popia la Yosefe hati, Sia simile okuti eteke ha mõla vali ocipala cove. Cilo Suku wa mbanjisa omãla vove.

EFETIKILO 48:8

Eci Isareli a mõla omãla va Yosefe, wa pula hati, Velie ava?

I OLOSOMA 19:20

Elisia wa siapo olongombe, yu wa lupukila Eliya, kuenje hati, Hu pinga, ngece si ka sipula tate la mai, oco hu kuame noke. Eye wa popia laye hati, Kuende, tiuka vali, sokolola eci nda ku linga.

UKUNDI 12:3

keteke eci olondavululi vionjo vi luluma, lalume va pama va liketika, kuenda eci vakuakufula va liweka omo ka va luile; lava va lengelela volonjanela va lisĩkĩlila,

ISAYA 59:1

Tala, eka lia Yehova ka lia tepulukile okuti ka li tẽla oku popela, ndaño etui liaye ka lia sitikilue okuti ka li tẽla oku yeva;

ISAYA 6:10

Lemisa utima womanu ava, lemisa ovatui avo, patisa ovaso avo, sanga va leta lovaso avo kuenje va yeva lovatui avo ha va limbuka lovitima viavo yu va pongoloka, kuenje va sakuiwa.

ESINUMUĨLO 34:7

Mose wa kala locita kakuĩ avali kanyamo eci a fa, puãi ovaso aye ka a vuvalele, ndaño ongusu yaye ka ya tepulukile.

I SAMUELE 3:2

Kotembo yaco Eli wa pekela vohondo yaye, ovaso aye a vuvala okuti ka lete ciwa.

I SAMUELE 4:15

Kotembo yaco Eli wa kala lanyamo akuĩ ecea lecelãla, lovaso aye a fa okuti ka lete.