EFETIKILO 47:27 - Embimbiliya - Bíblia Sagrada em Umbundu

²⁷ Va Isareli va tunga vo Gosene vofeka ye Egito, va fukilamo, kuenje va licita, va lova cimue.

EFETIKILO 47:27 Iomraidhean Croise

EFETIKILO 13:16

Kuenda ombuto yove ndi yi lingisa ndeseke lioposi, ndokuti nda umue o tẽla oku tenda eseke lioposi o tẽlavo oku tenda ombuto yove.

EFETIKILO 17:6

Ame hu muisa ombuto ya lua cimue; hu lingisa olofeka; olosoma vi tunda kokuove.

EFETIKILO 26:4

kuenje nduisa ombuto yove ndolombungululu viokilu. Ngeca kombuto yove olofeka evi viosi, okuti olofeka viosi viokilu lieve vi sumũluhila kombuto yove.

EFETIKILO 28:14

Ombuto yove yi linga ndeseke lioposi, lovitumbulukila viove vienda kutakelo lokutundilo, ko Norte loko Sul. Apata osi okilu lieve a sumũluhila kokuove lokombuto yove.

EFETIKILO 34:10

Oco vu tunge pokati ketu, ofeka yi kalavo yene; tungi ño, fũlĩlimo, fukilimo.

EFETIKILO 35:11

Oco Suku wa popia laye hati, Ame Suku Ukuonenewosi, kuata ombuto ka lue, kokuove ku tunda ofeka lohongele yolofeka, koviongo viove ku tunda olosoma.

EFETIKILO 46:3

Oco wa linga hati, Ame Suku, ndi Suku ya so. Ku ka yokokele oku lokila ke Egito, momo oko hu lingisila ofeka yinene.

EFETIKILO 47:11

Oco Yosefe wa tungisa isiaye la vahuvaye, wa va iha ocitumãlo vofeka ya Ramesese, oyo onele ya velapo yofeka yosi ye Egito. Wa linga ndomo Fareo o sapuila.

EFETIKILO 8:7

Yu wa tundisa ocikuamanga kuenje ca tunda, ca ñuala ñuala toke ovava a takata kilu lieve.

EFETIKILO 8:9

Opomba ka ya sangele apa yi liatela olongonjo viayo kuenje ya tiukila ki Noha kocimbaluku; momo ovava a kasi kilu lieve liosi. Noha wa tundisa eka liaye, wa yi kuata, wa yiñisa vocimbaluku.

NEHEMIYA 9:23

Kuenje wa luisa omãla vavo ndolombungululu viokilu yu wa va nena kofeka yina wa likuminyile lolosekulu viavo okuti va ka iñilamo oku yi kuata.

OLOSAMO 105:24

Yehova wa luisa cimue omanu vaye. Wa va pamisa ca piãla, ovanyali vavo ci sule.

OLOSAMO 107:38

O va sumũlũisa okuti va licita calua. Kuenje ka tava okuti olongombe viavo vi tepuluka.

ETUNDILO 1:12

Puãi ndaño va va yambula ca lua haimo va licita vali enene, kuenje va sambukila vali kolonẽle. Oco va Egito va kuatela va Isareli ohele,

ETUNDILO 1:7

Omãla va Isareli va licita calua, va siata muẽle, va lua, va pama enene, ve yuka vofeka.

SAKARIYA 10:8

Ndi va kovonga loku vongolola momo nda va yovola. Kuenje va lova vali ndeci va lovele ale.

OVILINGA 7:17

Puãi, eci oloneke viohuminyo yina Suku a likuminya la Avirahama via kamba naito oku tẽla, oco omanu vaco va luila ve Egito omo va licita.

ESINUMUĨLO 10:22

Olosekulu viene via lokile ke Egito lakuĩ epanduvali komanu. Kaliye puãi Yehova, Suku yene, wa luisa owiñi wene, toke wa soka ndowu wolombungululu viokilu.

ESINUMUĨLO 26:5

Kuenje ove o sinumuĩla Yehova, Suku yove, huti, Tate u Arama, haeye ukuakuñualañuala. Wa lokila ke Egito kuenje haiko a kala ocingendeleyi, eye lomanu vaye vañamiñami. Puãi wa luilako toke wa linga epata linene, hailio lia pama, kuenda lia lova.