EFETIKILO 47:17 - Embimbiliya - Bíblia Sagrada em Umbundu

¹⁷ Oco va nenela Yosefe ovinyama viavo, kuenje Yosefe wa va iha okulia. Va nena otuvalu tuavo loviunda violomeme loviunda violongombe lovimbulu kuenje Yosefe wa va iha okulia ulima waco londando yovinyama viavo viosi.

EFETIKILO 47:17 Iomraidhean Croise

EFETIKILO 47:16

Yosefe wa kumbulula hati, Nda olombongo via pua, neni ovinyama viene, oco ndu waveli okulia lovinyama viene.

EFETIKILO 47:18

Eci ulima waco wa pita oco veya vali kokuaye ulima wavali, va popia laye vati, Ka tu kembi ku cime cetu. Olombongo vietu via pua, loviunda viovinyama vi kasi ku cime cetu. Ove u cime cetu, o lete okuti lacimue vali tua siala laco te atimba etu lovapia etu.

I OLOSOMA 10:28

Otuvalu tua Salomone tua tunda kEgito lo ko Kuwe. Ovafuli va Soma va tu landa landa londando ko Kuwe.

YOVI 2:4

Satana wa Kumbulula Yehova, hati, Ekova lekova! Cosi omunu a kasi laco o ci ecela omuenyo waye.

ETUNDILO 9:3

tala! eka lia Yehova il veta ovinyama viove vi li vusenge, otuvalu, lovimbulu kuenda olongamelo loviunda violongombe levi violomeme lolohombo. Ku kala ociyefu ca kãla enene.

ISAYA 31:1

Ava va lokila ke Egito oku kuatisiwa, ngongo yavo! Va kolela otuvalu kuenda akãlu ovita omo a lua, va kolelavo vakuakuendela kotuvalu omo va pama ca lua, puãi ka va imbi ovaso ku U o kola wa Isareli, ndaño oku sanda Yehova.

MATEO 6:24

Lomue o tẽla oku vumba vacime vavali, momo pamue umue u suvuka lukuavo u sola, pamue o sumbila umue lukuavo u lavisa. Ko tẽla oku vumba Suku kuenda ukuasi.