EFETIKILO 47:15 - Embimbiliya - Bíblia Sagrada em Umbundu

¹⁵ Eci olombongo viosi viofeka ye Egito levi viofeka ya Kanana via pua, oco va Egito vosi veya ku Yosefe vati, Tu avele okulia. Tu fila nye love haipo o kasi? Momo olombongo vietu via pua.

EFETIKILO 47:15 Iomraidhean Croise

EFETIKILO 41:36

Ovilia evi vi linga eteku lianyamo epanduvali elambu ana a laika oku iya kofeka ye Egito, ndokuti ofeka ka yi nyolẽha lelambu.

EFETIKILO 47:16

Yosefe wa kumbulula hati, Nda olombongo via pua, neni ovinyama viene, oco ndu waveli okulia lovinyama viene.

EFETIKILO 47:24

Poku ungola, weci onepa yatãlo ku Fareo. Lolonepa vikuãla viene ovio vi linga ombuto yovapia, lokulia kuene, lokulia kuava va kasi volonjo viene, lokulia kuotumãla tuene.

OLOSAMO 37:3

Kolela Yehova, linga esunga, oco o tumala hũ vofeka, kuenje o koka.

ISAYA 33:16

eye o tunga kolomunda. Ombonge yaye yi kala vovikolo viovawe; okulia kuaye ku wihĩwa lovava aye o kasilili.

MATEO 6:11

Tu ihe okulia kuetu kuetaili.

LIOLONGANJI 8:5

Wa popia lomanu va Sukote hati, Ndu pingi, eci olombolo komanu va enda lame, momo va kava kuenda ñasi loku landula Seva la Calimuna, olosoma via Midiane.

LIOLONGANJI 8:8

Oku tundako, wa lamanela ko Penuele, haico ño a va pinga. Kuenje va Penuele vo tambulula ndeci va Sukote vo tambuluile.

I SAMUELE 21:3

Cilo hẽ, nye o kuete? Nyihe olombolo vitãlo, pamue cosi ño o kuete.

I SAMUELE 25:8

Pula ove muẽle akuenje vove kuenje va ku sapuila. Oco omo tueya eteke liofesta sanjukila akuenje vange. Ndinge ohenda, cosi wa sokiya ci tepisila akuenje vove lomõlove Daviti.