EFETIKILO 46:3 - Embimbiliya - Bíblia Sagrada em Umbundu

³ Oco wa linga hati, Ame Suku, ndi Suku ya so. Ku ka yokokele oku lokila ke Egito, momo oko hu lingisila ofeka yinene.

EFETIKILO 46:3 Iomraidhean Croise

EFETIKILO 12:2

Hu lingisa ofeka yinene; hu sumũlũisa; ñemalisa onduko yove okuti omanu va ku sumũlũhila.

EFETIKILO 15:1

Kovaso yovina evi ondaka ya Yehova yeya ku Avirama vocinjonde yiti, A Avirama, ku ka kuate usumba! Ame ndimbetateli yove; onima yove yi lua cimue.

EFETIKILO 15:13

Oco Yehova wa popia la Avirama, hati, Kũliha ocili okuti omãla vove va linga akombe vofeka yamãle, haimo va lingila apika, kuenje va talisuilamo ohali ovita vikuãla kanyamo.

EFETIKILO 17:1

Eci Avirama a kala lakui ecea kanyamo ecea, oco Yehova wa limõlehisa kokuaye, wa popia laye hati, Ame ndi Suku Ukuonenewosi. Endaela volonjila viange loku pua evelo.

EFETIKILO 18:18

Momo eye Avirahama o linga muẽle ofeka yinene, haiyo ya pama, kuenje apata osi okilu lieve a sumũlũhila kokuaye.

EFETIKILO 22:17

oco ame hu sumũlũisa cocili. Nduisa ombuto yove ndolombungululu viokilu, pamue ndeseke li kasi pongongo yokalunga, kuenje ombuto yove yi piñala olombundi vianyali vavo.

EFETIKILO 35:11

Oco Suku wa popia laye hati, Ame Suku Ukuonenewosi, kuata ombuto ka lue, kokuove ku tunda ofeka lohongele yolofeka, koviongo viove ku tunda olosoma.

EFETIKILO 47:27

Va Isareli va tunga vo Gosene vofeka ye Egito, va fukilamo, kuenje va licita, va lova cimue.

EFETIKILO 48:16

haeye ungelo wa njovola kevĩho liosi, eye a sumũluise amãlehe ava; londuko yange yi tumbuluiwe lavo, ndaño olonduko violosekulu viange, Avirahama la Isake. Va linga muẽle owiñi kilu lieve.

EFETIKILO 48:19

Isiaye yu wa likala hati, Ndi ci, amõlange, ndi ci. Leyevo o linga epata, leyevo o kemãla, haimo lumue manjaye u velapo; ombuto yaye yi linga owiñi wolofeka.

ETUNDILO 1:12

Puãi ndaño va va yambula ca lua haimo va licita vali enene, kuenje va sambukila vali kolonẽle. Oco va Egito va kuatela va Isareli ohele,

ETUNDILO 14:13

Mose yu wa popia lomanu hati, Ko ka yokoki. Kolisiko, oco vu mõla eyovo lia Yehova lina a ko muisa etaili. Momo va Egito vu lete etaili, lalimue eteke vu va mõla vali.

ISAYA 41:10

Ku ka kuate ohele, momo ñasi love. Ku ka yokoke, momo ndi Suku yove! Ame hu kolisa, hu kuatisa; hu kuata leka liange liondio hailio liesunga.

YEREMIYA 40:9

Gedeliya, omõla a Ahikama, omõla a Siafana, wa lisila lavo lalume vavo hati, Ko ka kali lusumba woku vumba va Kaldea. Tungi vofeka loku vumba Soma ya Bavulono kuenje ci kala ciwa lene.

OVILINGA 27:24

Ungelo wa linga hati, A Paulu, ku ka yokoke. O talama kovaso a Kaisare, kuenda Suku wa ku iha vosi va endela kumue love vonaviyu.

OVILINGA 7:17

Puãi, eci oloneke viohuminyo yina Suku a likuminya la Avirahama via kamba naito oku tẽla, oco omanu vaco va luila ve Egito omo va licita.

ESINUMUĨLO 1:10

Yehova, Suku yene, wo luisi, kuenje tala, kowiñi wene etaili vu kasi ndolombungululu viokilu.

ESINUMUĨLO 10:22

Olosekulu viene via lokile ke Egito lakuĩ epanduvali komanu. Kaliye puãi Yehova, Suku yene, wa luisa owiñi wene, toke wa soka ndowu wolombungululu viokilu.

ESINUMUĨLO 26:5

Kuenje ove o sinumuĩla Yehova, Suku yove, huti, Tate u Arama, haeye ukuakuñualañuala. Wa lokila ke Egito kuenje haiko a kala ocingendeleyi, eye lomanu vaye vañamiñami. Puãi wa luilako toke wa linga epata linene, hailio lia pama, kuenda lia lova.