EFETIKILO 45:3 - Embimbiliya - Bíblia Sagrada em Umbundu

³ Yosefe yu wa popia la vahuvaye hati, Ame Yosefe. Tate yo lomuenyo? Vahuvaye ka va tẽlele oku u tambulula momo vo salukila enene.

EFETIKILO 45:3 Iomraidhean Croise

EFETIKILO 37:20

Enjui, tu wipayi, tu wimbi vocitunu cimue ha tu popi tuti, Ocinyama ca tema co lia, oco tu tale eci ci linga olonjoi viaye.

EFETIKILO 42:21

Kuenje va livangula pokati vati, Ocili muẽle ondaka ya manjetu tua pia, tua muĩle ndomo co vala kutima cina a tu lipilikila kuenje ka tuo yevelele, oco muẽle ongongo eyi ya tu vetela.

EFETIKILO 42:22

Ruvene wa va tambulula hati, Sia ci popele lene siti, Ko ka lingi ño ekandu kumãlehe, keunje ka wa njeveli? Oco cilo osonde yaye ya pilikiwa.

EFETIKILO 43:27

Eye wa va pula ndomo va kasi hati, Isiene yo ciwa, ekongo lina wa tukuili? Haimo a kasilili lomuenyo?

YOVI 23:15

Oco ndo yokokela. Eci ndu sokolola o ndinga usumba.

YOVI 4:5

Puãi kaliye ceya kokuove kuenje ca ku kokela ocinyuañi. Ci ku kuete kuenje ca ku yokokisa.

SAKARIYA 12:10

Ngeca kepata lia Daviti kuenda kolonungi via Yerusalãi utima wohenda kuenda utima woku likutilila, okuti eci va vanja u vo toma vo lilila ndu o lilila omõlaye ongunga. Vo lilila muẽle calua ndu o lilila nuñulu yaye.

MARKO 6:50

Momo vosi vo mola kuenje va yokoka. Puãi haico a popia lavo hati, Kuati utõi! Ame. Ko ka yokoki.

LUKA 5:8

Puãi Simono Petulu, oku ci mola, wa kekama kolongolo kovaso a Yesu, kuenje hati, A Ñala, nunde, momo ndukuakandu.

OVILINGA 7:13

Kungende wavali Yosefe wa lisituluila ku vahuvaye, kuenje epata lia Yosefe lia limbukiwa la Fareo.

OVILINGA 9:5

Eye hati, A Ñala, ove elie? Ondaka yiti, Ame Yesu, u o kasi loku kangisa.

ESITULUILO 1:7

Ota, iya. Endela valende, kuenje ovaso osi o mola, ndaño ava vo toma, lapata osi o kilu lieve o litetelela. Omo muẽle. Amene.