EFETIKILO 43:30 - Embimbiliya - Bíblia Sagrada em Umbundu

³⁰ Yosefe yu wa tundako lonjanga momo wa kala longeva la manjaye, kuenje wa sanda apa a lilila. Wa iñila vohondo yaye, wa lililamo.

EFETIKILO 43:30 Iomraidhean Croise

EFETIKILO 42:24

Yu wa litepa lavo, wa lila, noke wa tiukila kokuavo, kuenje wa vangula lavo. Yu wa kuata simeone pokati kavo, kuenje wo kutila kovaso avo.

EFETIKILO 45:2

Kuenje wa sukoka oku lila okuti va Egito va ci yeva, lonjo ya Fareo ya ci yevavo.

EFETIKILO 46:29

Yosefe wa sokiya ekãlu liaye kuenje wa enda oku ka ñualehela la isiaye Isareli ko Gosene. Wa limõlehisa kokuaye, wa petamẽla kosingo yaye, wo kuata loku lila ca lua.

I OLOSOMA 3:26

Oco ina yomõla una wa kala lomuenyo wa kuatela omõlaye ohenda, kuenje wa popia la Soma hati, A cime cange, wiha omõla o kasi lomuenyo, ku ka wipaye ño! Puãi ukãi ukuavo hati, Ka ka linge ndaño wange, ndaño wove. U toli pokati!

YEREMIYA 31:20

Efarimi hẽ, hamõlangeko wa soliwa? Hamõlako o sokoluiwa enene? Ndaño ndu pisa pisa haimo ndu wivaloka So. Oco utima wange wu kuetele ongeva, kuenje ndu linga ohenda. Oco ca popia Yehova.

HOSEA 11:8

A Efarimi, ndi litepa ndati love! Hu eca ndati, a Isareli! Nẽla ndati oku ku kundula ndeci nda linga la Adimah! Nẽla ndati oku linga love ndeci nda linga la Cevoyi! Utima wange ka u tava, ohenda yange yi tumbuluka loku omboka.

OVILINGA 20:19

Wa moli ndeci nda vumba Ñala lukukui vutima kuenda lasuelela. Wa kũlĩhi ovisiliñinya nda sanga kolongombo via va Yudea.

OVILINGA 20:31

Oco lavululi, loku ivaluka okuti anyamo atatu, utanya luteke, sia liwekele oku u lunguli lasuelẽla, omunu omunu.

OVILINGA 20:37

Vosi va lila ca lua, va kuatelela Paulu kosingo kuenje vo sipula.

VA FILIPOI 1:8

Momo Suku ombangi okuti ndu kueteli vosi ongeva, ongeva yaco yiyilila omo ndu soli locisola ca Kristu Yesu.

VA FILIPOI 2:1

Nda vu Kristu muli ekoliso, pamue ocisola ci livela oku kuatisa, pamue ongongela y'Espiritu, pamue ohenda kuenda ocikembe,

VA KOLOSAI 3:12

Kuenje omo wa noliwi la Suku, haene wa soliwi, kuenje wa lingi vaye va kola, oco wali ohenda kuenda ocikembe lumbombe loku unjuka kuenda epandi.

II TIMOTEO 1:4

Eci njivaluka asuelela ove, oco, lutanya luteke, ndi livela oku ku mola okuti oco ndi yuke esanju.

I YOANO 3:17

Puãi, nda umue o kuete ovipako violuali lulo, kuenje, eci a lete ukuavo lusuke, o tĩlisa utima, ocisola ca Suku ci tumala ndati vutima waye?