EFETIKILO 42:22 - Embimbiliya - Bíblia Sagrada em Umbundu

²² Ruvene wa va tambulula hati, Sia ci popele lene siti, Ko ka lingi ño ekandu kumãlehe, keunje ka wa njeveli? Oco cilo osonde yaye ya pilikiwa.

EFETIKILO 42:22 Iomraidhean Croise

EFETIKILO 4:10

Suku wa popia hati, Wa linga hẽ ndati? Ondaka yosonde ya manjove yi kasi posi ya mbilikiya.

EFETIKILO 42:23

Ovo puãi ka va kulĩhile okuti Yosefe o va yevite, momo kapitiya wa kala pokati kavo.

EFETIKILO 45:3

Yosefe yu wa popia la vahuvaye hati, Ame Yosefe. Tate yo lomuenyo? Vahuvaye ka va tẽlele oku u tambulula momo vo salukila enene.

EFETIKILO 50:15

Eci vahuva a Yosefe va limbuka okuti isiavo wa fa, va linga vati, Mbi Yosefe o tu suvuka kuenje o tu fetuluinya ohali yosi tuo talisile.

I OLOSOMA 2:32

Yehova o tiuwiya osonde yaye kutue waye muẽle, momo wondumuhila alume vavali vana vo velapo kesunga lunu kuenje wa va ipa losipata, osimbu tate Daviti ka ci kulihile. Alume vaco Avinere omõla a Nere, kesongo liolohoka via Isareli kuenda Amasa omõla a Yetere, kesongo liolohoka via Yuda.

I OLOSOMA 2:33

Oco osonde yavo yi tiukila kutue wa Yoava lokutue wombuto yaye, otembo ka yi pui. Puãi ku Daviti lo kombuto yaye lokepata liaye lokocalo caye, ku kala ño hu ombembua yi tunda ku Yehova.

II ASAPULO 24:22

Soma Yoasi ka ivalukile ohenda Yehoyada isiaco o lingile, puãi wa ponda omolaye. Eci a kala loku fa, wa popia hati, Yehova a vanjeko, kuenda a ci fetuluinye.

OLOSAMO 9:12

Momo u o fetuluinya osonde o va ivaluka Ka ivala okuliyula kuava va fukilisua.

ESEKIELE 3:18

Nda mopia londingãivi siti, Ocili muẽle o fa, kuenje ove nda kuo lunguile, ku popi hu lungula ondingãivi konjila yaye yĩvi, okuti o popela omuenyo waye, ondingãivi yaco yi fa longole yaye muẽle, omuenyo waye puãi ho pula peka liove.

LUKA 23:41

Puãi lietu liesunga, momo tua sanga eyambulo lia sesamela ovilinga vietu. Omunu u puãi ka lingile cimue cĩvi.

OVILINGA 28:4

Eci vakuafeka va mola ocipuka co nyoñama keka liaye, oco va livangula pokati vati, Ka ci pumbi okuti omunu u omondi. Ndaño wa puluka kokalunga haimo Esunga ka tavele okuti o kala lomuenyo.

VA ROMA 2:15

Va lekisa okuti eci ci sĩliha ovihandeleko ca sonehiwa vovitima viavo. Owanji wovitima viavo lawovo u va imbila uvangi, kuenda ovisimilo viavo vi likuatisa pokati, pamue oku pisa, pamue oku yovuisa,

ESITULUILO 13:10

U wa tukuiwila umandekua, enda kumandekua. Lu o ponda ponda losipata o pondiwa losipata. Pokati kolohali ndovio opo pa molehela epandi lekolelo liolosandu.

ESITULUILO 16:9

Omanu va kakuiwa lowuya walio wa lua, kuenje va tondala onduko ya Suku, u o kasi lomoko yafengi a, puãi ka va likekembelele akandu avo loku wiha ulamba.

I SAMUELE 19:4

Yonatão, poku vangula la soyaye Saulu, wa imbila Daviti uvangi uwa hati, Soma ka ka linge cĩvi ukuenje waye Daviti, momo eye ka ku lingile ove cĩvi, kuenda ovilinga viaye via ku kuatisa ocili.